Bien halei anek naih njauk laka ralo haong kulik, barah bhong ye mikva njauk matham siuk njuk ia laar atau papaok ia tagok labik barah bong bhong nan. Mayah labik laka barah nan taik huan atau nduac darah ye brei rao meng ia hacih atau ia jru rao laka, papaok saat hacih caga pabum taneh jeng ye khik darah nduac tabiak.

Daok uranaih pablait rak pablait tulang, njauk brei taoh bih khan ao takhaok kom laiy ka nyu laneng lanoi labih nan. Brei tulang rak ring urang pablait rak ka nyu  lagaih, matham tagok ta-uk tulang meng siuk pasain njuk ia laar atau papaok meng ia khan piah caga barah praong jeng ye padu kurang pandik harao. Papaok nyu meng hamalei gon vil tulang labik pablait barah jeng ye papaok ganap katang piah khik tani tanat tulang uranaih.

Mayah mboh anek naih jaoh tulang, pablait tulang (pandik pandua khang, oh magei hu atau magei oh yau bhian), urang praong njauk ieik anek naih huen haong atau matai suan juai ba anek naih mabuh ruak mayah nyu jaoh tulang atau jaoh tulang kakuai sang njauk patui iek uranaih njauk havieng atau oh magei rup pabhap hu halei oh? Oh ba uranaih mayah mboh uranaih njauk jaoh talang atau jaoh talang takoi jeng ye njauk ieu capat abulan yte jaik di abih mai daong.

Piah daong pacang caga anek anaih mabuh, mikwa urang praong dalam sang njauk caik hatai tuk halei jeng hu urang praong daok jaik taphia piah iek glang. Caga juai brei ka anek naih ndih tagok, nduac, chat jaik danien sang ar paga, labik hu kraik hu patau, gang gom điện. Daok dom baoh sang padang ngak sang pakat glaong, sang hu pabah pambang marang pambang katho oh hu gai pacang mbuan tamuh bala ka anek naih, njauk ngak pambang pacang gai kanyan saong marang, gai kanyan hu tangin pan.

Bala kandung kayua pandiak: Mayah anek anaih kandung barah kayua ia atau pui pandiak, njauk tram labik kadung tame ia laar, hacih siam di nyu dalam labaih 20 minit piah patrun pandiak di labik kadung. Mayah uranaih kadung kayua ia jru hóa chất ye njauk tuh ia laar, hacih rilo mbang piah rao cih saat abih janih ia jru hoa chat daok ndam dalam rup pabhap.

Mayah anek naih kandung kayua ia jru hoa chat thu, juai rao meng ia bo njauk samar drah mek jru hoa chat thu nan tabiak truh rup pabhap, ngak yau habar caga hoa chat gam tame rup dak tukik dak siam jang. Dom janih kadung brei ka anek anaih, amaik ame jeng njauk leih abih khan aw, taoh bih kom laiy takhaok, kaon nyuk di labik bo uranaih kadung tabiak drah samar dahlau di tuk kadung daih baoh ia.

Mayah anek naih tamuh bala khang, yau ye kadung barah mblao praong jang sa plak tangin di nyu, kadung di mbaok, kadung di labik cimkadit nyu, mboh laka, ba pandiak, labik kadung mbau, hu ia kaneh, matai suan oh thau hagait atau sarau kadau glo akaok, oh daok thau hagait, dalam sang njauk ba uranaih nao chip tal labik y te jaik di abih piah padam ruak.

Bala kandung kayua ula jeng kaik:  Uranaih di palei atau nao ma-in di labik bhum taneh atah meda mbuan si anek athur atau asau, mangiu, ula, jeing… pagui kaik. Mayah uranaih hu sau mangiu atau anek athur kaik hak ye bruk brei drah samar rao hacih labik laka meng ia hacih saong sabon jeng ye brei papaok nyu meng pataih khan bai saat cih atau mbang gat.

Mayah uranaih hu ula kaik, njauk brei gheih palua anek naih. Mayah ula kaik tangin atau kakai juai brei magei jeng ye papaok gai kanyu blaoh rao ka hacih meng ia atau meng ia jru pamatai anek ruak yau ye 10 % ia sara iot.

Uranaih njauk anek athur asau mangiu kaik biak huac biak bala praong, mbuan si tamuh laka dalam rup, sook, meda hu matai lahik. Kayua yau nan ye njauk ieik glang pacang caga anek naih main haong asau mangiu manuk adar kangan anek athur jeng ye juai brei ka anek anaih hareik harom caga ula jeng ngak sruh./.