Saai Y Lợi ndik tapui 1985, urang bangsa Xơ Đăng, xã Ngọc Wang, huyện Đắk Hà, tỉnh Kon Tum tuk ndik tapui tabiak lac sa urang oh patuah jamo kayua jaoh jo. Boh sang hu 9 adei saai, rai duik kinh tế kan kandah,   jien lisei jien brah ndon non tagok amaik ame. Min oh yau nan bo Y Lợi kadun likuh, saai kham merat  yam tagok, ngak rilo bruk kein lagaih ka rup eng song xã hội.

Bac abih tal 9, Y Lợi padeih bac dok di sang dong ka boh sang, tuk halei saai jeng hu paoh ka jan ji tuk urang mong iek drei ngan song meta mong huac kanda, song oh menyai song urang halei. Ngan song hatai sahaneng “Tàn nhưng không phế”, abih hatai sahaneng, pren yava song hatai khin yam tagok , yam tapa pandik harao ka rup eng drei, thun 2005, Y Lợi likau nao bac jik, min học viên takik, nan ye tal bac oh peih pato, hadei di nan saai likau bac văn thư khik piah di pasak pato bruk ngak tỉnh Kon Tum .

Sai klah rabha : “ Bac tamat di sang bac, gilac mai palei hu harak trung cấp nghề dalam tangin, hulin oh thau ngak meng halei, yau habar . Rup drei mboh  bế tắc, mặc cảm, kayua lac sa urang bình thường dok kan kandah, tok lac urang jaoh jo.

Hu bruk pachreih ba di boh sang, saai ngak harak hồ sơ nộp tame UB bhap bini xã Ngọc Wang. Harei pan harak quyết định hu taduan tame ngak bruk di UB bhap bini xã, saai biak drut droi. Saai hu urang dang akaok xã jao bruk ngak di Văn phòng Đảng ủy. Piah paglong ilamu chuyên môn, thun 2008, Y Lợi hu  Đảng ủy, karja ba nao bac tal sơ cấp lý luận chính trị. Thun 2010, saai hu pok tame Đại biểu hội đồng bhap bini xã song tal thun 2011, saai hu ba tame Đảng. Thun 2013 saai ôn thi song bac tamat THPT. Dalam luac tuk bac megru, ngak bruk di drei, Y Lợi bhian hoàn thành xuất sắc dom bruk ngak hu jao brei song hu alin rilo harak pok meyaom di dom pakat, dom gah.

Kayua mặc cảm ka jan ji, nan ye dalam rilo thun saai kham merat ngak bruk bo war nao bui sambai bo urang lei jeng cong khin, nan lac duah ka drei sa urang likei.

Song metuah jamo sa mbang tra nyum klau song Y Lợi, saai gaok pasang likei tuk nan saai tui kapul jaoh jo di tỉnh Ninh Bình nao pasang iek di xã. Tuk saai pok sap doh kadha doh “Tình cây và đất” sap doh bingi pang, ngak ka saai ba hatai

ranam chip. Tapa dom dòng tin nhắn tangi sua, 2 urang ranam gauk tuk halei oh thau. Mbiah tal urak ni saai  oh war hu harei saai sua “ ngak haduik saai nye adei”

Hu bruk njauk hatai di amaik ame 2 gah, 2 haduik pasang dok song gauk. Thau rai duik di 2 haduik pasang Liên đoàn lao động huyện hu dong ka 2 duik pasang  padang ngak sa boh sang pakat 4 piah tani tanat rai duik

Kayua jien bilan takik oh ginup ka rai duik, 2 duik pasang saai nyim taneh ngak mbang piah pala bei song peih quán pablei salih pandap. Pasang saai oh peih radeih mac, nan ye meng 4 tuk sa boh, saai padeih nao mek pandap song kuhria caga yaok janih piah ka pasang likei dok di sang blei. Biak haniem phol tuk haduik pasang saai ndik tapui hu sa urang kamei khang kajap, mbaok meta siam dalam thun 2012.

Yam tagok jan ji, mặc cảm di rup drei, saai Y Lợi lac sa kreik camin hadah krah piah ka dom urang hu rai duik yau drei hu hatai khin song pren khang yam tagok. Saai klah rabha “ pambah mbang rai duik oh kreik veik song dom urang thau yam tapa jan ji, thau yam tapa oh kadun likuh anak dom kan kandah. Tuk halei brei sahaneng kuhria, anit ranam ka drei ka menuac sia nan ye drei meda taduan hu dom bruk hagait bo drei khin” ./.