Thun 1972, hadei di tuk bac tamat Trung cấp Nông nghiep Tây Bắc, amuk Cà Thị E tame ngak bruk di Trại roh duah pajaih phun pala Sơn La. Thun 1993, amuk padeih bruk tui sarak karja kayua oh ginup prein yawa. Sahaneng lac ngak hagait piah ka sang hu ginup meda jang saong hu rilo jien padai jang? Mboh sang hu taneh mbon, dua diuk pasang jeng padeih hưu, thun 1996, amuk Cà Thị E ginum saong pasang mek taneh mbon piah ngak trang trại pala drak saong raong manuk ada. Dom harei camereip tuk bahrau ngak trang trại,  sang muk E palih ruah phun tabau saong rabung yamen piah pala, min jien duah biak takik, muk saong pasang salih tapa pala darang saong mận tam hoa. Urak ini,  sang amuk Cà Thị E hu labaih 80 phun darang ghép saong 60 phun mận tam hoa, brei baoh duah jien tame labaih 150 triệu đồng yaok thun. Muk Cà Thị E khan lac: 'Sang dahlak ngak trang trại meng thun 1996, tuk camereip jeng gaok biak rilo kan kandah yau ye phun jien, ilamu pala, jeng oh ka thau pala phun hagait. Hadei di nan, khol dahlak pala phun mbang baoh yau mận tam hoa, darang pagam dhar. Mbiah tal urak ini,  sang dahlak bac megru ilamu pala phun mbang baoh, duah hu jien tame meng phun darang pagam dhar, mận tam hoa.”

Hadei di tuk duah hu mekheih jien meng bruk pala phun mbang baoh, sang amuk brei peih praong jang bruk ngak trang trại tagok 150 drei manuk sao saong manuk palei mebaoh. Raong taphon manuk patui di gauk, yaok thun sang amuk E mek hu labaih 2.000 baoh manuk pablei tabaik darak, duah hu labaih 10 triệu đồng.

Oh lac patagok kinh tế ka sang di drei, amuk Cà Thị E daok lac sa urang hoi abih hatung hatai ak dom bruk ngak di Kapul urang kumei phường, palei. Piah palagaih ka bruk nao mai di mikva dalam palei, jeng lac piah rik tame bruk padang ngak palei pala birau, diuk pasang muk halan hatian kaoh taneh trang trại 200 met vuong alin brei ngak jalan. Ong muk jak ba mikva dalam palei ngak nding raok ba ia mai ngak trang trại. Amuk Lù Thị Miền, Akok Kapul urang kumei Phường Tô Hiệu, ban Sơn La khan lac:  "Amuk Cà Thi E lac sa kreih camin hadah. Amuk ngak siam bruk dom urang kumei pakacah bac mergru, ngak bruk, padang baoh sang haniem siam. Amuk lac kreih camin hadah piah ka urang hoi dalam phuong, abih di nyu nan lac urang hoi palei Hẹo bac megru nagk tui.”

Kham ngak siam bruk patruh iek patrun kathaot di palei pala,  sang muk Cà Thị E hu pok brei angan lac baoh sang urang ngak mbang naih joi di ban Sơn La saong bruk ngak trang trại di sang amuk hu pambak praong ka rilo sang dalam bhum palei bac megru ngak tui./.