Boh sang sit di ong Ka Sô Liễng,  urang roh duah ilamu bhap bini bangsa Chăm H'roi dok di kreh bein kayau hajao luac thun di palei Kiến Thiết, xã Ea CHà Rang, huyện Sơn Hòa, tỉnh Phú Yên. Pabah mbang pasei hu klauk taik meng dhar dagum sit, daok pabah mbang kayau dok kreik sre. Sa urang sang daok tapen nan khan lac “ Ong bhain nao lo, ong nao palei ini, palei deih piah cih, piah vak, takik daok di sang lo”. Urang taco kamei sang dok tapen bhian dong ong puh hala yaok harei chreih chrai nduac tame bein prong piah duah. Jaik meteh tuk hadei, meng mboh ong, lui drei, cuk capa talon, tangin pang jaleng, bak gluh baok, cambuai klao slut mbut.

Gah likuk pabah mbang kayau di boh sang, hu biak rilo tapuk. Tapuk dak angaok giá, caik dalam tu, dak angaok bàn. Lipit hu, kapan hu. Dom tapuk kapan di abih lac dom tapuk akayat. Ong Ka Sô Liễng mek dom boh tapuk Akayat, pan di angaok tangin. Akayat  Xing Chi Ôn, Giàng Hlắk jhak hatai, duah veik adei saai Jông Uốt, Chi Liêu, Adei saai Chi Blơng, Adei saai calah gauk, Chi Pơ Nâm, Chi Đê… Baoh tapuk halei jeng kapan yaok ribau blah. Tui kuhria, ong roh duah hu 10 bản trường ca di urang Chăm Hroi song hu xuất bản bloh abih. Min dok hu rilo tra dalam bhap bini, bo “ Dom ong taha metai abih ye. Yau ong  Oi Kép, Oi Tiếp, Oi Thứ…Biak damen. Hulin jeng duh hatai. Bloh tal tuk drei metai… Khin ngak lo, akaok takre, hatai takre, khin ngak min pren yava taha ye. 

          Huyện Sơn Hòa sa thun hu 2 bilan cambaih laih nan lac bilan thu song bilan hajan. Tal bilan thu ye ong tagok jalan nao roh duah Akayat, dok bilan hajan ye dok di sang langyah, pasiam veik. Yaok mbang nao di ong, katut lac sa adit, atah ye sa bilan. Hu mbang ong nao takai jaik rituh km, bloh labuh ruak di Gia Lai. Anek taco nao duah song pajeng ong mai ban sit Tuy Hòa iek ruak. Min Akayat nyu pabak pren yava ka ong. Abih ruak, ong tagok jalan veik. Ong roh duah Akayat meng harei taneh ia hu yasa mbiah tal harei ni. Roh duah meng bruk thu tame băng, vak tangin. “ Ong Oi Thơm ong nan dak dalikan Chim Lừng, hulin dok di labik nan sa adit. Tập nan hulin biak takre. Drei thu băng mai bloh drei langyah, lang bloh pasiam veik, bloh nao thẩm tra, nao taom urang veik, bloh nao gaok urang karei tra. Hulin nao tal labik ong Oi Kép.

     Ciu oh hu, phui oh hu, liar khin metai. Hulin dok di labik nan sa adit” Dalikan nao duah Akayat di ong Ka Sô Liễng lac yau nan. Dom tập trường ca bo ong buh rilo pren yava di abih lac “Giàng Hla jhak hatai", "Adei sa-ai sang Chim lừng", "Chơ Liêu".

Suh sah, duh hatai prong di abih di ong Ka Sô Liễng lac harei hadei oh dok urang halei takre ilamu bangsa, lac drap ar prong glong di ong muk ong kei meda lihik nao tui thun bilan. Kayua yau nan ye, ong lac, dok ngak bruk hu, dok nao hu, ong daok ba abih ba pren yava di drei piah khik ramik ilamu bangsa: “Hulin mboh drei ngak oh lac siam abih hu, min kham merat ngak piah harei hadei anek taco drei  mboh lac ong ni ngak dok suan labik ni, suan labik deih, nyu khin pasiam ye brei duah thau. Oh ngak ye lahik abih. Hulin sahaneng yau ini, mik va drei dok rambah, oh sahaneng tal bruk puac harak tapuk, oh sahneng tal ilamu di bangsa, min harei hadei tuk hu mbang, hu cuh ginup bloh,  tuk melam mai, duik pasang hu sahaneng tal bruk puac tapuk, bloh sahaneng tal dak dalikan di bangsa drei. Tuk nan, hulin jia lac urang duah puac dom hagait hulin cih vak, bloh lac: bangsa drei yau nan”

Ong Ka Sô Liễng, urang roh duah ilamu bhap bini dahlau deih ngak phó giám đốc Sở Ilamu thông tin tỉnh Phú Yên. Ong khan lac: ilamu bangsa lac sa binah oh kurang hu dalam rai duik di ong./.