DOM BRUK NJAUK CAIK HATAI TUK RAONG MENUK ADA DI BILAN PANDIAK
Thứ tư, 00:00, 17/05/2023 Urang lang: Thu Thao Urang lang: Thu Thao
VOV4.VOV.VN - Dalam tukvak langik salih bilan, pandiak dui atah, hajan sarau kadhau lac lagaih ka anek ruak tamuh tabiak saong njom mbak, tukvak ini mayah oh hu jalan pacang, plaih, meda ngak ka manuk ada raong palao bein mbuan njauk jit ruak.

Dalam kadha  “urang ngak hamu caong thau” harei ini, kol dahlak hulin likau khan dom panuac kakei di kỹ sư raong glang thú y Nguyễn Văn Hảo daok di bilai pachreih nong huyện Châu Thành A, tỉnh Hậu Giang. Kadha vak hu ba tagok mangaok wedsite di Pasak pachreih nong tỉnh Hậu Giang:

Piah pacang caga jit ruak, mikva urang raong glang njauk thau cambaih ilamo pacang caga ruak saong sangka iek glang tapon manuk ada piah trun patakik di abih dom khat lahik, dom bala kayua langik tasik oh siam, mikva njauk thau palagaih ka menuk ada raong hu cak rok patagok siam di abih. Piah khik kajap prein yava ka menuk ada raong, urang raong brei ngak dom jalan yau hadei di ini: 

Puh ramik var ro hacih saat, laneing lanoi, hu tabung pacang hajan thaik,  hangin yuk tame. Nerak meng raong glang brei pataom mek langyah meng dom chế phẩm sinh học yau ye Nấm Trichoderma piah ngak brei ralai dom pandap tachrauk nerak.

Pruh jru pametai anek ruak vil val var ro meng cur tapung atau dom janih jru hóa chất karei yau ye: benkocid, formol,…

Pacang caga ruak meng vắc xin yau ye: ruak khal darah, jit aih traoh, Gumboro saong cúm manuk ada. Tal harei brei klauk jru veik, peih ngak catang bruk khik salamat, khik hacih saat thú y dalam raong glang, anek menuac, pandap panda tuk gaok haong manuk, ada brei khik kajap salamat jit ruak. Ngan haong manuk klauk jru vắc xin Newcatles, cúm manuk ada, khal darah,… ngan haong ada klauk vắc xin jit aih traoh di ada, viêm gan kayua vi rút, cúm manuk ada, khal dahrah.

Meda pandar sa dalam dom janih jru pacang caga ruak brei manyum dalam tukvak halan, pandiak sarau kadhau yau ye: Genta-Tylo, Enroloxacin, Terra-Strepto… ngan haong mbang manyum meng 1/2 mbang taong ruak, pandar njauk  tui panuac ieu kakei di langiu pok jru.

Pabak pandap mbang ginup dưỡng chất oh pandar pandap mbang abih tukvak atau mbau me-ih, ia manyum hacih hu lai vitamin C, pambuak haong Vitamin ADE atau pandar dom janih jru meng kan yau ye lasun, tỏi,…brei mbang, manyum gam gam, plaih caik athur manyum ia hajan kadaong veik di mblang bein.

Piah paglaong siam lagaih bruk pacang caga jit ruak di manuk ada, mikva raong glang njauk cak hatai: puh ramik hacih saat var ro yaok harei, puh ramik pruh jru pametai anek ruak, klauk vacxin pacang caga ruak, bhian tui iek prein yava menuk ada raong, samar mboh ruak piah taong ruak samar drah, piah khik caga tapon manuk ada hu praong siam, khang kadang./. 

Urang lang: Thu Thao

Viết bình luận

TIN CÙNG CHUYÊN MỤC