JHUI BA GAUK SALIH TAPA PALA DURIAN RILO
Thứ tư, 06:30, 04/01/2023 Urang lang: Thu Thảo Urang lang: Thu Thảo
VOV4.VOV.VN - Yaom durian daok tagok khang, kayua yau nan ye urang nong di Bhum taneran kraong Cửu Long saong Tây Nguyên daok bag auk tak klaak phun pala klak piah peih praong taneh pala durian.

Thun 2021, dalam taneh ia hu labaih 85.000ha phun durian, pataom rilo di Tây Nguyên, Đông Nam Bộ saong ĐBSCL. Thun 2022, taneh pala durian tagok rilo jang meng 7.000 - 10.000ha. Di ĐBSCL, taneh pala durian hu peih praong di tỉnh Hậu Giang, Đồng Tháp, Long An saong Tiền Giang.

Ong Lê Thanh Tùng, Phó akaok Cục pala drak brei thau, tukvak meng 2015 tal urak ini, bruk patagok phun durian di ĐBSCL lac samu gauk. Min, hu bruk patagok biak samar taneh pala durian dalam thun ini lac kayua Sarak pablei durian tapa Trung Quốc tui jalan chính ngạch bahrau hu mbaoh tangin, ba chreih chrai ka urang nong. Bruk patagok ini jeng lagaih haong jalan salih janih phun pala di dom tinh pala phun mbang baoh. Min, dom gah chức năng kakei rahra njauk duah thau dahlau di tuk salih tapa janih phun kan pala ini.

Tui ong Võ Văn Men, akaok Chi cục Pala drak saong khik caga phun pala Tiền Giang, mikva urang nong tok salih tapa pala durian dalam bhum quy hoạch. Tuk salih brei hu bruk pambuak gauk pablei; oh salih di taneh pala padai oh lagaih, peih bruk pala prai vu ka nyu samu jang plaih paik baoh sa mbang haong gauk ba tal bruk baoh pablei oh abih, plaih bruk paik gaok tuk paik baoh di durian Thái Lan; kham merat hu mbaok tame dom tal pato pasram ilamo, pamaong tal paglaong chất lượng pabak ka bruk pablei tabiak negar langiu.

Bruk salih tapa pala phun durian jang yau dom baoh kayau karei, jhui ba gauk pala rilo kayua tuk nan meda kurang pajaih siam piah pabak. Phun mbang baoh brei hu tukvak suai atah piah glang iek, mayah chất lượng oh siam meda ba mai kein laba bier, gaok mai ngak khat lahik ka urang pala.

Bruk salih tapa pala jeng brei tui jalan quy hoạch hu Sở Ngak nong saong patagok palei pala dom tinh roh duah tani tanat. Ngan haong dom janih kaya nong, dalam nan hu baoh kayau tuk pablei tapa dom darak pasa Âu, Mỹ, Nhật, Trung Quốc… dom paga pacang gah ilamu kỹ thuật biak catang. Nan lac bruk ngak catang dom kadha salamat pandap mbang, paga pacang dut iek. Mayah urang nong buh jien tame ngak bo oh ginup prein khik ramik chất lượng kaya nong piah yam tapa dom paga pacang di darak pasa ye kein laba oh glaong, mbuan gaok khat lahik.

Taphia di nan, dom HTX dalam gah phun mbang baoh urak ini hu biak takik saong ngak bruk siam lagaih ka oh glaong. Mayah cak rok patagok tui hatai meda oh ginup mblang taneh piah padang bruk pabak mã số bhum pala pablei tabiak negar langiu./.

Urang lang: Thu Thảo

Viết bình luận

TIN CÙNG CHUYÊN MỤC