Urak ini, bhum ĐBSCL daok hu jaik 30.000 ha padai mbuan njauk kan kandah kayua njom ia mbak. Ini lac mblang taneh ngak padai bilan Đông Xuân muộn hu ngak langiu di jalan ba tabiak, di bhum kakei oh trun pajaih hadei di harei 15/1.

Piah caga pacang njom ia mbak, kurang ia taba di dom labik, harei 8/3 Thủ tướng Rajaei hu sarak ieu kakei dom tinh ban bhum ĐBSCL, abih di nyu nan lac dom tỉnh: Bến Tre, Tiền Giang, Hậu Giang, Sóc Trăng, Trà Vinh caga dahlau bruk rami ramik dom urang ngak di palei saong jak ba menuac, pandap pak di labik, peih ngak chip dom jalan ngak lagaih piah khik ginup ia taba pabak ka bruk pala drak saong ia pandar di rahra; oh caik ka rahra kurang ia pandar atau pandar ia oh hacih, oh siam.

Peih bruk patui iek catang, thau cambaih bruk, samar drah khan brei thau bruk kurang ia, njom ia mbak di yaok labik dalam bhum piah caga ngak dom bruk lagaih haong bruk di anak mata.

Mintri Ngak nong saong patagok palei pala daok tui iek bruk rah tabiak piah kuhria ka gah ia, chat luong ia, bruk mbuan kurang ia, njom ia mbak, khan brei dom bhum palei saong rahra thau; caga pato tacei dom bhum palei peih bruk pacang caga kurang ia, njom ia mbak lagaih haong bruk di anak mata di yaok bhum, palei, trun manieng dom kan kandah tal bruk ngak nong …

Langiu di nan, bruk peih pandar lagaih dom kraong ribaong piah tagok bruk khik piah ia dalam dom kraong, ribaong, bingun sit sot, jeik, pakaong... piah pruh ka phun padai, phun mbang baoh, ia pandar hu dom tinh ban, dom gah, rahra peih ngak siam, caga pacang kan kandah di njom ia mbak.

Cục Thủy lợi kakei dom tinh ban saong mikva urang ngak nong tui iek bruk ia njom mbak piah caga dahlau dom jalan ngak ka nyu lagaih. Dom tinh ban kakei rahra oh trun pajaih di dom bhum daok mbuan njauk kan kandah di bruk njom ia mbak; tok  trun pajaih tuk hu hajan, tuk ia pabak hu tani tanat.

Dom tinh ban tagok bruk peih pandar dom kraong ribaong piah mek, khik piah ia taba rilo di abih ba tame dom binek, danao, labik dhaong piah pruh ka phun pala saong piah pandar, di dom bhum pala phun mbang baoh brei khik piah ia taba dalam danao, bingun, khik ginup ia pruh raong diuk phun pala dalam tuk njom ia mbak; khik ginup ia piah pandar ka rahra; daong ka rahra mek ia, khik piah ia pandar./.