Urang nong Binh Thuan padang angan njam an toàn

Hợp tác xã Njam an toàn Trà Tân lac libik ngak kinh tế tập thể akaok mereip pala njam an toàn di tỉnh Bình Thuận. Meng pala sit sot, ban thei, thei ngak, urak ini urang nong xã Trà Tân ba gauk tame hop tac xa piah pambuak gauk padang angan njam an toan di puk palei. Ini lac jalan nao barau piah pagalaong yaom pandap, patagok khang kajap libik pala njam di huyện Đức Linh, tỉnh Bình Thuận. Kadha vak” urang nong pambuak gauk padang angan njam an toan di Viet Quoc urang vak di rayo sap ndom Viet Nam brei thau ka bruk ini:

-Saai Chu Quang Nhiên daok di palei 1B, xã Trà Tân tui bruk pala njam mengkan meng 15 thun tapa. Beir praong labaih 1.500m2 pala sabei, xà lách, njam puan saong dom janaih njam karei, yaok bilan mek jien tame labaih 15 triệu đồng. Taneh beir daok rilo, min saai oh ka peih praong taneh kayua daok takik hu labik pablei. Barau ini, saai saong 24 sang bhapbini pala njam dalam xã khang hatai tame Hợp tác xã njam an toàn Trà Tân kayua kapul urang nong saong Ủy ban bhapnini xã padang tagok. Saai Nhiên brei thau: Mikva livik mai pala njam pablei sit di darak, yaom kaom tuk trun tuk tagok oh tani tanat. Yau nan ye, mikva jeng caong apdang sa Hợp tác xã piah hu labik pablei ka nyu sahaneng hatai. Njam drei pablei tabiak darak pasal hu angan, pablei tabiak siam jang ye meda peih praong taneh pala drak. .

-Hợp tác xã njam an toàn Trà Tân hu padang tagok di bilan 6 thun 2017 hu 25 urang. Hợp tác xã peih ngak dua kadha praong, nan lac pablei vật tư ngak nong saong pambuak bruk saong doanh nghiep blei pandap ka xã viên tui yaom tani tanat. Dalam tuk pala drak, dom urang dalam hop tac xa hu brei pajaih, khak drak, jru khik caga phun pala saong alamu pala njam an toan tapa dom tan pasram. Saong bruk caik dahlau lac duah jalan pablei pandap tani tanat. Ông Phạm Ngọc Hạnh, sa xã viên pala njam an toàn lac: “Anak meta lac njauk hu labik pablei. Dahlak jeng hu daok nyaom biai rilo mbang paje lac gah karja saong akaok kapul urang nong pachreih drei tame njam an toan. Dahlak hu caong khin lac njauk hu labik pablei tabiak, jhui caik pandap pablei srau kadau lac kol dahlak gaok khat lihik.”

-Xã Trà Tân lac libik hu taneh riya saong lingik tasik siam lagaih piah pala janih njam, baoh traoh. Jaik 20 thun ini mai, di Trà Tân hu jeng bhum pala njam pablei tabiak grauk darak sit di huyện Đức Linh saong meteh huyện Xuân Lộc di  tỉnh Đồng Nai. Abih di nyu nan lac njam sabei, xà lách saong njam puan Trà Tân hu angan that bingi, min bruk pala drak di bhapnini daok sit sot, oh ka hu pambuak bruk khang kajap di gah blei. Hợp tác xã njam an toàn tabiak rai lac jalan siam lagaih daong ka urang nong pambuak bruk patagok pala drak saong peih praong darak pasal.

-Piah khik caga pandap ngak tabiak hu siam, yaok urang dalam hợp tác xã jeng hu harak sanya ngak njauk jalan kỹ thuật di Phòng Nông nghiệp huyện tacei pato. Rilo meng lac pandar khak hữu cơ saong dom janih chế phẩm sinh học saong hu tukvak cách ly siam piah khik caga pren yava ka urang blei mbang. Ông Đỗ Đức Anh, Phó akaok Ủy ban bhapnini xã Trà Tân daok brei thau lac: “Xã Trà Tân kol dahlak biak lagaih piah patagok phun njam. Urak ini phun njam hu pala jaik 30 héc-ta peih praong di palei 1B, palei 4 saong palei 5. Dalam tukvak barau blaoh, mikva urang nong jeng hu dom pakat dom nganh gah jao brei alamu, pasram ngak habal piah nao njauk quy trình an toàn VietGAP.”

-Dalam xã Trà Tân hu 25 sang pala njam di taneh praong abih tih 30 héc-ta, urak ini taong abih mikva jeng tame hợp tác xã njam an toàn. Langiu njam, xã ini daok hu 35 sang pala baoh kraoh ye tamun ia, bí đao, paya saong taneh pala lac 50 héc-ta. Anak tal, dom sang ini jeng hu tame hợp tác xã njam an toàn piah jeng bhum pala njam angan Trà Tân, rik daong pataggok kinh tế - xã hội di xã ngak nong ini./. 

Thúy Linh