Pathau mikva saong taong abih gauk! Jaik 2 thun ini mai, tỉnh Ninh Thuận padang hu 300 "kapul urang nông hu hatai takre yau gauk", di dom gah yau pala drak, raong glang, ngak mbang pablei salih... daong ka yaok ribau urang nông patagok labik dang di drei dalam bhap bini, salih barau rai diuk. Dalam kadha urang ngak hamu caong thau harei ini, kol dahlak hu kadha vak yaih khan ka dom kein lagaih di kapul urang nông hu hatai takre yau gauk ini.

Kapul urang nông tỉnh Ninh Thuận pambuak bruk saong mban điều phối dự án daong tam nông tỉnh padang dự án kapul urang nông hu hatai takre yau gauk. Huyện Ninh Phước hu 3 xã hu mbaok tame dự án ini, lac Phước Vinh, Phước Thái saong An Hải, ngan saong 27 kapul urang nông. Urang hu mbaok tame kapul ralo meng lac dom baoh sang urang nông kan kathaot, baoh sang jaik si kan kathaot, lao động kamei.

Dom kapul urang nông padang hu dom tổ yau tổ raong limo, pabe, pabo; tổ pala drak, tổ pablei salih, pambuak bruk sản xuất.... Dom baoh sang hu mbaok tame dự án, langiu bruk hu mban khik iek dự án tam nông tỉnh Ninh Thuận daong phun jien đầu tư, pajaih phun pala, athur raong, vật liệu xây dựng daok hu tacei pato ilamu raonf glang, pala drak, padang jalan sản xuất, raong glang... Sang saai Mang Thị Quýnh daok di palei Liên Sơn, xã Phước Vinh, huyện Ninh Phước, biak kan kandah. Saai hu 3 urang anek. Sang diuk rai meng bruk ngak pah saong dul khak athur. Urang dang akaok palei Liên Sơn 2 hu ba saai tame kapul raong limo Hifer. Baoh sang saai hu daong 2 drei limo binai menek. Meng harei taduan hu limo mai raong, saai iek glang biak tani tanat, 2 drei limo praong siam.

10 baoh sang kan kathaot, baoh sang jaik si kan kathaot bangsa Raglai daok di palei Tà Dương, xã Phước Thái, huyện Ninh Phước,  jeng biak chreih chrai tuk hu hu mbaok tame kapul dự án raong limo Hifer kayua Ban Điều phối Dự án Tam nông tỉnh Ninh Thuận daong. Hu daong 2 drei limo binai menek, dom baoh sang kan kathaot hu pasram megru ilamu raong glang, jalan iek glang limo binai menek yau habar ka hu kein laba. Meng tuk hu mbaok tame dự án raong limo Hifer di Tam nông, saai Chamalé Thọ, akaok palei Tà Dương hu pasram megru kỹ thuật, jalan khik mepiah pandap mbang meng phế phẩm ngak nông yau pon. Saai saong mikva urang nông di labik ini thau jalan iek glang limo, klauk jru yau habar. Dự án daong ka mikva 2 drei limo binai piah salih barau rai diuk, abih di nyu nan lac baoh sang kan kathaot. Baoh sang kan kathaot urak ini meng hu raong limo, salih barau hu rai diuk./.