Ong Trịnh Lục Lân lac sa dalam dom urang huangan je dalam bruk pathau khan dom sarak, hukum, tacei pato mik va Khmer di sóc Bà Mai xã Vị Thủy, huyện Vị Thủy, tỉnh Hậu Giang dom jalan ngak mbang hu kein laba. Ong Lân jeng lac Akaok mban quản trị baha Ochumpruksa, iek bruk khik ramik padang ngak saong dom bruk ngak di baha, peih bruk tom gaok bhap bini song peih ngak dom bruk taduan raok harei rija roya meng kan di bangsa Khmer

Dalam sóc Bà Mai, ong Lân lac sa dalam dom urang hu mik va Khmer iek prong kayua diuk rai siam mekre, abih hatai pathau khan dom sarak hukum song dom bruk di puk palei. Oh lac abih hatai ka bruk di baha, hu mbaok tame dom mbang ginum biai di mik va dalam só, ong Lân daok thau iek glang patagok KT boh sang, pala trúc di angaok taneh praong 4.000 m2 piah pablei ka dom cơ sở pah yot. Dom harei rija roya, ong hu peih ngak dom bruk ilamu brei ka bhap bini Khmer main sambai di baha, ong Lân jeng oh var kakei mikva oh padeih rilo harei piah caik tuk vak ka bruk ngak, oh peih dom bruk main sambai biak prong, abih rilo jien padai, oh me-in mbia, oh pataom gauk mbang menyum, pacah radaih ngak srau kadau puk palei.Tui ong Lân, dahlau deih dalam palei hu bruk co klaik sit sot, dam dara pataom gauk pacah radaih,  min meng hu bruk tacei pato di dom ong bhik, di Mban Quản trị baha saong dom urang hu angan je, dalam sóc oh dok rah tabiak dom bruk srau kadau tal an ninh trật tự tra. 

Meng bruk tacei pato di ong Lân, dom boh sang hu taneh, kham merat ngak hamu, pala njam patam, peih ngak dom bruk pala drak, rong glang hu siam lagaih yau pala darum papaok baoh, pala liya, pala liu, rong ba ba, rong lanung, Dom boh sang oh dok taneh ye hu dong bac bruk ngak song ngak bruk dalam dom HTX pak yot, đan lục bình dalam palei atau tame ngak bruk di dom công ty jik, công ty takhaok. Dalam thun 2015, hu labaih 30 boh sang Khmer dalam sóc Bà Mai patruh kathaot, dom boh sang meng thau pala drak rong glang siam lagaih jeng ginup med. Rai duik mbang ngui daok dang di mik va Khmer sóc Bà Mai dak harei dak tani tana,  oh dok bruk srau kadau gah  an ninh trật tự, an toàn giao thông.

Phó akaok UB bhap bini xã Vị Thủy Nguyễn Sử Luận brei thau, dalam xã hu 278 boh sang urang Khmer song labaih 1.270 menuac. Akaok Mban Quản trị baha  Ochumpruksa Trịnh Lục Lân lac urang thau caik hatai pang caong khin di mik va bangsa Khmer dalam bhum, Ong bhian tacei pato, pachreih ba bhap bini ngak siam dom sarak hukum di karja, rik pren yava  ngak jalan mbak nao mai, pala phun hijao, peih ngak dom bruk KT kein lagaih, dong ba xã Vị Thủy jeng xã mek hu tanut palei pala bahrau di puac thun 2015 meng bloh./.