Klaak bruk ngak Y sỹ piah pambuak haong phun xương rồng, nan ye ong hu thau cambaih yaok janih phun xương rồng. Meng bruk pala phun xương rồng piah pablei phun pajaih saong ngak  kiểng, yaok thun ong Phạm Phúc Giác hu jien mek tame yaok rituh triệu đồng. Kadha: “Urang ngak hamu caong thau” harei ini, hu kadha vak ndom tal ong Phạm Phúc Giác, daok di bal sit Cái Dầu, huyện Châu Phú, tỉnh An Giang:

Ong Giác brei thau phun xương rồng mboh bak darui maong lac mbuan diuk min oh njauk yau nan. Janih phun ini biak kan pala, mong iek glaih glar oh lah hagait pala phun bingu lan, phun kiểng. Urang pala njauk thau janih halei khin hu aia harei takik atau ralo, hu janih takre saong oh takre aia. Tui bilan saong tui lingik tasik yau habar bo mong iek nyu piah plaih nyu ruak, thu gha, bruk dhar... urak ini, bein xương rồng di ong hu labaih 2.500 janih saong yaok  triệu phun xương rồng ginup abih dom negar. Tuk mek hu tal tabung glaong di nghệ thuật ma-in xương rồng, ong Giác duah jalan pabam pajaih, pala asal phun dom janih xương rồng quý yau Ferocastus, Neoporteria, asterias… saong mboh ngak hu. Kayua yau nan ye, dom urang ma-in xương rồng bhian duah mai bein  xương rồng di ong piah mong iek, duah thau, duah blei dom phun njauk hatai ba nao sang pala.

Dahlau diah ong Giác bhian taduan ngak bộ sưu tập xương rồng dalam nan hu yaok ribau phun ka dom labik du lịch, dom công trình... Dom thun jaik di ini, mong mboh dalam uranaih gam haong urang taha hu ralo urang takre pala xương rồng nan ye yaok thun ong ba tabiak darak pasar yaok ribau phun pajaih xương rồng ginup abih janih. Tukvak tết mai jeng yau dom harei lễ prong, ong bhian ba xương rồng kiểng nao pablei pak darak bingu xuân, nyaom darak pablei salih. Piah duah hu phun xương rồng njauk hatai njauk lahik ralo tukvak saong jien padai. Xương rồng ngoại nhập hu ralo janih yaom biak glaong, min tuk ba mai pala oh thau jalan mong iek phun mbuan metai kayua môi trường diuk nyu salih. 

Urang takre xương rồng duah mai tal ong Giác kayua lac pajaih xương rồng di ong lagaih haong lingik tasik Việt Nam nan ye mbuan pala, mbuan mong iek jang dut haong xương rồng blei meng negar langiu. Ong langyah, xương rồng hu takre kayua phun sit, mekre, ba caik dalam sang, duk ngak bruk labik halei jeng hu. Yaom sa phun meng dom pluh ribau đồng tal yaok pluh triệu đồng tui janih saong tui phun praong, sit. Min praong di abih nan lac xương rồng nerak bingu biak mekre, giup abih kiểu dáng, ginup abih sambo màu bo urang ma-in kiểng halei mboh jeng takre.

Tui ong Giác, jaik di ini dak harei dak hu ralo urang takre phun xương rồng. hu urang blei ba nao pala, hu urang blei ba caik dalam sang, langiu mblang, bàn ngak bruk. Jeng hu urang ma-in xương rồng kayua jia tui phong thủy… Kayua nan ye urang pala yau ong oh huac ka bruk pablei tabiak./.