Bruk tin học hóa pato song bac sap Thái, ngak lịch pala drak song số hóa dom tác phẩm ilamu Thái hu dong ka mik va Thái di Sơn La hu jalan khik ramik song patagok ilamu bangsa.

Lac urang bangsa Thái, ndik tapui song prong tagok di palei Co Pục, xã Chiềng Ngần, ban sit Sơn La, meng sit ong Cà Văn Chung hu duik dalam labik mbak carak ilamu Thái. Urak ni lac Phó akaok Pasak ilamu song Công nghệ tỉnh Sơn La, ong roh duah rilo harak tư liệu ka rai duik, urang Thái

Ong song urang  daong bruk hu ba tabiak phông haroh Thái tame mac tính, hu ba tame bruk pato song bac dalam dom pasak giáo dục thường xuyên di tỉnh Sơn La, song urak ni hu peih pato tal kapul gru pato tiểu học lac urang bangsa Thái dok ngak bruk di Sơn La, pabak ka bruk pato pakai harei hadei

          Anai gru Hà Thị Thành, gru pato Tiểu học xã Mường Giôn, huyện Quỳnh Nhai, lac sa dalam dom urang tui bac ong Chung brei thau: “ Gru Chung yaom lac umo taha, min biak halan hatain pato haroh Thái ka adei saai khol hulin. Gru biak takre ilamu Thái”

Tapa bruk pato song bac haroh Thái, mboh hu dom kan kandah di urang oh thau sap Thái dalam bruk bac haroh, ong Chung roh duah, cài đặt danak dak sap, haroh Thái angaok mac tính. Danak dak ni hu ba tame pandar biak siam. Ong Chung brei thau “ Bac haroh Thái mbuan min hu urang oh thau sap Thái, oh hu gru pato ye oh bac hu . Hulin bahrau padang sa danak dak ka mac tính piah mac đánh vần ka pang, urang bac pang dalam mac. Min oh hei jeng hu mac tính, hulin bahrau ba danak dak bac pato haroh Thái tame talam CD. Urak ni, talam CD ngak tabiak hulin jao ka Sơ Ilamu song Công nghệ khik ramik, hei khin meda mai tal labik ni roh duah song bac megru.

Ngan song mik va Thái di Sơn La, ong Cà Văn Chung lac urang hu công ba lịch Thái tame rai duik. Mik va Thái hu jalan kuhria lịch karei song áp dụng tame yaok bruk ngak dalam rai duik.  Nao dalam tame bruk roh duah ka lịch Thái, thun 1990, ong hu biên soạn song đề xuất ba lịch Thái tame Nông lịch Sơn La. Danak dak ong hu thẩm định, ba tame pandar meng nan mbiah tal ni, hu mik va halan hatain pachreih tui. Rilo danak dak duah thau, roh duah biên soạn di ong hu ba tame pandar dalam rai duik di mikva yau Lịch Blog pabak ka mik va Thái, lịch Khoa học Sơn La, lịch tacei jalan pala drak di gah ngak nong song patagok palei pala. Ong roh duah biên tập, số hóa 200 kadha doh bhap bini Thái ka roh duah ilamu “ Roh duah, padang ngak danak dak rik dong daoh  kadha doh bhap bini Thái tỉnh Sơn La”

Ba abih hatai jai ka dom bruk ngak nan, ong Cà Văn Chung cong khin ilamu di bangsa drei oh lihik nao. “ Hulin biak sambai tuk drei ngak hu dom bruk hu makna ngan song ilamu bangsa Thái. Dok rilo bruk duh hatai hulin oh ka ngak hu, tui kuhria dok rilo bruk jeng ngak, hulin cong khin dom urang brei khik ramik song patagok dom yaom glaong ilamu bangsa, dom bruk hagait meda ye njauk ba tame mac tính piah khik ramik hu suai lavik. Hulin cong khin rai rah ranaih umo kham merat bac daa song patagok bruk ngak ilamu di ong ame./.