Rai duik harei ni hu rilo siam mekre jang meng mbang ngui tal bruk ngak mbang, ngak huak, bruk pang, bruk maong jeng hu rilo janih jang, min meda lac, bruk puac tapuk oh lihik nao, bo nyu daok hu khik ramik, atau salih tapa dom jalan karei saong tuk halei jeng daok dalam hatai sahaneng, dalam nếp sông di rilo urang  Sài Gòn. Yaok saboh mesup , di dom quán sit tapen jalan, mboh hu rilo urang dok menyum cà phê, meta iek mbao atau sa baoh tapuk hagait nan. Bruk nan jeng hu mboh di dom mblang bein, tuk rilo urang langiu di bruk mai ni pasram thể dục, padeih padei, jeng bhian dok la di angaok kik patau piah puac dom boh tapuk bo drei takre. Nan jeng lac bruk krein randap di dom gilang tapuk  Tổng hợp, Gilang tapuk Pasak Đại học Quốc gia song dom sang bac Đại học, Cao đẳng... Ngan saong Nguyễn Thị Ngọc Hân, sinh viên sang bac Đại học Nguyễn Tất Thành ye tapuk lac ayhut sahabat, lac sa binah di rai duik: "Puac tapuk biak kein laba. Hulin bhian giải trí  meng puac tiểu thuyết, tác phẩm văn học. Drei sahneng njauk peih rilo harei pataom tapuk , trun yaom tapuk piah dui pachreih rilo ayhutranaih umo mai jiak jang song tapuk."

Dalam jar var di rai duik, di angaok dom jalan di ban raya Hồ Chí Minh, rilo  cửa hàng tapuk klauk  jeng daok tamuh tagok, hu rilo menuac blei. Di labik nan, hu dom baoh tapuk meng saman dahlau, urak ni par sambo, taik tahak jeng daok hu khik ramik, hu rilo menuac duah blei. Di  dom cửa hàng pablei tapuk bahrau,mboh bui sambai jang tuk rilo menuac puac tapuk, ranaih hu, taha hu, urang dang, urang dok ala pan baoh tapuk di tangin puac dalam chreih chrai. Rilo amaik ame ba anek tal sang tapuk song dok la puac song anek. Bruk njauk uan tabuan lac, sang tapuk halei jeng hu labik puac tapuk. Saai Trần Thị Ngọc Hà, po sa tiệm tapuk  di jalan  Nguyễn Thị Minh Khai, quận 3, ban raya Hồ Chí Minh ndom lac, bruk prong lac ngak ka urang bhain randap saong bruk puac tapuk:

Urak ni, rilo quán “cà phê sách” hu tabiak rai, pachreih hu rilo dam dara duah tal. Rilo urang karei bhian randap blei tapuk online angaok mạng Internet atau puac tapuk  điện tử tapa ebook piah patak patom tuk vak song hu mbang tui dom danak khuyến mãi, trun yaom. Thạc sĩ Trần Văn Nam, giảng viên sang bac Cao đẳng Bách Việt, sa urang bhian nao tal sang tapuk piah duah blei dom tapuk bahrau xuất bản  ndom lac puac tapuk tui jalan meng kan atau tapuk điện tử jeng siam, jeng hu kein laba

Meng bruk puac tapuk,  nyu ngak ka hatai jai hadah hadai, pachreih urang vak tabiak dom baoh tapuk. Rilo tác giả  ranaih umo hu angan je meng dom boh tapuk  vak meng tuk  daok bac phổ thông, tuk daok lac sinh viên cao đẳng, đại học yau Đặng Huỳnh Mai Anh,  dahlau deih  lac sinh viên Đại học Ngoại thương ban raya Hồ Chí Minh ngan song baoh tapuk  "Sổ tay xanh" yaih khan 165 mẹo "sống xanh" piah patak pataom điện,  patrun  patakik hóa chất tathuak tabiak môi trường, padang "văn phòng xanh"... hu  xuất bản thun 2013; Phạm Bá Diệp song tapuk dalikan atah “UREM – Người đang mơ”, mek hu giải khuyến khích dalam bruk jak ba sáng tác Văn học umo  20 mbang ka  5 di Nhà Xuất Bản Trẻ meng tuk dok lac sinh viên sang bac Đại học Khoa học Xã hội song Nhân văn ban raya… Atau Nguyễn Thị Ánh Mai ngan song baoh tapuk  “Bố chưa khóc bao giờ”, tabiak di bilan 6/2015, tuk Maidok lac  sa  sinh viên  gah  báo chí. Ánh Mai hu khan ka ilamu puac  tapuk di Việt Nam yau ini: "Hulin sahaneng lac ilamu puac tapuk lac sa bruk salih karei tui thun bilan. Urak ni khoal drei oh lac hu tapuk baar bo dok hu tapuk điện tử, ebook, tapuk ndom… Ilamu puac tapuk urak ni rilo janih jang song dalam tuk vak halei nyu jeng hu jalan nao karei di nyu  . Ngan song dom ayhut ranaih umo urak ni bo dok khik hu bruk bhian randap puac tapuk yaok harei,  nan lac bruk biak siam, kayua tapuk lac sa ayhut oh phản bội drei."

Yaom lac rai duik di ban raya dok  thavi thavar, glaih glar, min meda ndom lac, bruk takre puac tapuk di rilo menuac di Sài Gòn jeng yau dalam negar tuk halei jeng hu khik ramik song patagaok tui thun bilan, meng jalan ngak ni atau jalan ngak deih, bruk bhian randap puac tapuk song sahaneng duah meng tapuk oh ka tuk halei klak, lihik. Tapa rilo bruk ngak chreih chrai, kein laba piah yaih khan tapuk, khik ramik ilamu puac tapuk dalam bhap bini, abih di nyu nan lac urang ranaih umo , bruk puac tapuk song bac megru dom kadha gheih mekre meng tapuk miat miat hu khik ramik, piah ka dom boh tapuk gheih hunao tal tangin di urang puac tapuk, ba tui giá trị tinh thần vô giá pabak hatung hatain, trí tuệ ka dom rai rah harei ni song harei hadei./.