Rilo thun ngak chủ nhiệm kalup kapul doh tamia urang prong thun palei 5, xã Hòa Phú, ban sit Buôn Ma Thuột, amuk Nguyễn Thị Mai tuk halei jeng ngak siam bruk jak ba, khik ramik ka urang hội prong thun hu mbaok tame dom mbang sinh hoạt. Yaok melam meng 19tuk tal 21 tuk, ala bruk tacei ba di muk Mai, labaih 30 urang praong thun dalam kalup kapul pataom gauk mai hội trường di palei piah ba gauk doh, pasram dom kadha doh pok meyaom taneh ia, palei negar. Yaom lac umo taha prong thun min hei jeng mboh bui sambai, chreih chrai. Amuk Mai khan lac: 

Meng tuk nao pasram mboh pren yava drei khang tagok. Tuk nao pasram dom ong muk jak gauk nao bloh ngak ka bruk di chi hội tagok nan ye tuk palei hu bruk hagait, daa kapul tabiak piah hu mbaok tame dom danka dak nan ye rilo tuk hu danak dak urang taha di palei ye ieu kalup kapul tabiak me-in saong ba bruk doh tamia tabiak parang me-in ka bhap bini mong iek song pachreih tui.

Dok ong Hồ Việt Sang, dok di palei 5, xã Hòa Thuận, lac urang bác sỹ đông y hadei di tuk padeih bruk ( thun 2008) ong hu mbaok tame kapul urang umo taha di xã ngan song bruk tacei pato song iek ruak brei saoh ka dom urang taha dalam xã. Mboh rai duik mbang ngui dok dang di urang taha dalam xã dok rilo kan kandah, ong Sang  jak ba padang kalup kapul dưỡng sinh tâm thể. Tal urak ni, xã Hòa Thuận padang hu 8 labik pasram hu labaih 150 urang hội hu mbaok tame sinh hoạt yaok harei sa tuk . Ong Hồ Việt Sang brei thau:

Meng langyah tui jalan khoa học saong tui lý luận di y học cổ truyền nyu ngak ka urang pasram caik hatai jia. Bruk pasram jeng mbuan bo hu siam lagaih. Tapa nan, nyu daong pambuak talei rohim dalam XH, mai jiak gauk, jum pataom gauk, padang hu bruk doh tamia di puk palei, tapa nan nyu ngak jeng pren khang piah padang anek menuac bahrau, paglong pren yava jhul kadun likuk ruak kik dong patruh eik patrun kathaot

 Oh lac hu mbaok tame dom bruk ilamu thể thao, pasram pren yava, dom urang taha dok rik dong oh sit dalam bruk padang ngak palei pala bahrau. Yau ye amuk Nguyễn Thị Sinh, umo 74 thuni, dok di palei 1, xã Hòa Phú, ban sit Buôn Ma Thuột. Amuk Sinh brei thau: tong abih sang song taneh hu dom rituh mét vuông, pala hu dom phun mil, yaok thun pablei baoh hu labaih 10 triệu đồng hu jien pandar cai. Min tuk karja xã jak ba bhap bini ngak jalan palei, muk brei yah klaak paga, tak klaak rilo phun mbang boh piah brei taneh peih jalan. Meng sa jalan sit gluh baok, urak ni nyu praong laneing, hacih saat jang, muk Sinh mboh uan tabuan tuk drei hu rik dong hasit dalam nan:   

Karja ngak jalan prong tabiak, drei halan hatain yah klaak paga, tak klaak phun min. Peih prong jalan ni jalan dhuan hacih saat jang, radeih nduac nao mai oh dok huac paoh gauk.

Ong Nguyễn Công Chính, Akaok mban lambaok kapul urang taha ban sit Buôn Ma Thuột brei thau: ban sit hu 21 Kapul pakat phường, xã, 240 dhar kapul song 664 tổ hội, abih tih hu labaih 18.000 urang hội. Dalam rai duik yaok harei, urang taha prong thun tuk halei jeng ngak camin hadah ka anek taco ngak tui meng dom bruk mboh di anak meta. Bruk pakacah gauk “ Thun prong camin hadah” hu patagok khang dalam tong abih dom tổ chức cơ sở Hội song urang hội. Urang prong thun lac kapul hu yaom glaong dalam bruk mesruh pacang dom bruk tiêu cực, nao dahlau song jak ba boh sang, anek taco peih ngak siam dom sarak di Đảng hukum di karja. Piah ka bruk pakacah gauk “ Urang taha camin hadah” hu patagok siam lagaih dalam tuk vak anak tal, ong Chính brei thau, tapen bruk samar pok meyaom, pambak prong dom urang hội hu bruk ngak siam, gheih, Kapul urang taha ban sit daok pambuak bruk khang kajap song pakat ủy, karja dom pakat, duah thau hatai sahneng, hatai khin di urang taha praong thun. Tapa nan, ba tabiak dom jalan ngak, danak dak bruk ngak ka nyu lagaih song bruk di puk palei./.