Meng kan mai, bhap bani thau ngak men ủ alak. Meng men ini, mikva ngak tabiak dom chum, vại alak  pahe ndung bak hương vị di ceik glai Tây Bắc. Lường Hạnh, urang vak di rayo sap ndom VN daok di bhum Tây Bắc hu kadha vak brei thau ka bruk ini

Dahlau di tuk ngak men alak mikva caga brah bingi (brah ngak men meda lac brah ndiuk atau brah tẻ jeng hu). Gam haong nan caga naih ua, naih brah atau vải bạt saong kam hacih, giống men, khan bai piah me-om ka nyu tagok men. Sa kadha prong nan lac palih ruah harei ngak ngak men alak, bhian di nyu mikva palih ruah  3 dalam 10 harei di Lịch Thái lac Cáp, Cắt, Khốt, nan lac harei Giáp, Kỷ, Canh. Pandap ủ men bhian mikva tame glai paik ralo hala pahe ba mai ngak.

Tuk kuhria caga blaoh blai, mikva tram brah tapa melam, bloh caik ka nyu thu aia ba nao thaok klik atau xay jeng tapung. Dom janih hala pahe hu mek meng glai mai jeng hu rao hacih, thaok klik srau haong brah xay. Meyah ngak men alak cần ye oh brei ralo hương vị, tok hu janih phun glai  pahe. Daok men alak riak ye hu ralo vị jang yau vị hala phun long não, hala quế saong ralo hala phun glai karei. Hadei di tuk srau taong abih dom nguyên liệu ngak men haong gauk, mikva meda capat  men hình tròn dẹt iew lac baoh binai, hình tròn dẹt iew lac baoh tano, njauk caik hatai ngak baoh tano saong baoh binai samu gauk. Amuk Lù Thị Ban, urang hu ilamu ngak men alak di bản Bó, Phường Chiềng An, bal Sơn La brei thau: ngak men jeng njauk palih ruah harei siam, palih ruah sa dalam 3 harei Giáp, Kỷ, Canh piah ngak. Tuk ngak baoh men njauk hu tano, binai, ngak yau nan meng hu alak. Giống men jeng pilih ruah giống ngak gam harei haong men bahrau ngak, hu yau nan meng hu men siam, ngak hu ralo alak saong bingi.”

Tuk ngak blaoh dom baoh men, njauk prai kam ka nyu bak samu ja-ngoa, naih brah atau vải bạt, blaoh caik dom baoh men tame nan jeng talei baoh tano, baoh binai. Hadei di nan mek tangin kateik jeng dom gilaong sit angaok mbaok di baoh men, blaoh proi  giống men hu thaok klik blaoh dalam dom gilaong sit ini. Naih ja-ngoa, naih brah atau vải bạt piah baoh men hu labik la-hơi, sir angin. Hadei di nan mek khan bai lapih metham tagok caik 3 tal 4 harei, tuk baoh men tagok men grauk abih baoh ye mek khan bai tabiak, hadei di nan brei tagok pagang apui ka baoh men thu blaoh ba nao khik piah. Quả men taha jaik sa bilan meng meda pandar hu piah ủ alak, meyah pandar men meda ralo oh rak hu alak atau alak oh bingi. Sa-ai Lù Thị Phung urang bhian ngak men alak pak bản Bó, Phường Chiềng An, ban sit Sơn La brei thau: Men alak hu ralo janih. Men alak rak brei ralo gia vị jang, hu ralo hala pahe. Men alak cần, alak yamen ye takik hala pahe, palih ruah hala yamen piah ngak. Nguyên liệu ngak men biak ralo min bhian lac mek angaok glai, palih ruah dom phun bo dom amaik, dom amuk drei dahlau diah bhian mek ngak. Men drei ngak ye hu takik alak min alak menyum biak bingi, oh pandik akaok, nyu biak pahe. Men pak darak ngak hu ralo alak min oh bingi yau men drei ngak.

           Dahlau diah mikva dalam dom palei bhap bani Thái bhian ngak alak tui jalan cách thuỷ, meng ngak men, ủ alak tal chưng cất jeng ngak meng tangin, alak biak jangaih, pahe bingi. Harei ini bruk ngak men baoh di nhap bani  jeng daok hu dom labik khik ramik piah ngak pandar. Alak ngak meng men hala phun glai nyu pahe yamen di dom janih hala, ngak pachreih hatai di oh takik tuai damuai./.