6 mlan akŏ thŭn 2023: Daklak mâo čhĭ mnia hŏng ala tač êngao truh 810 êklăk dollar
Thứ sáu, 16:30, 16/06/2023
VOV Tây Nguyên
VOV Tây Nguyên
VOV4.Êđê- Tui si knơ̆ng bruă duh mkra mnia mblei čar Daklak hưn, mơ̆ng akŏ thŭn truh ară anei, kluôm čar mâo čhĭ leh kơ ala tač êngao êbeh 810 êklăk dollar (knar 19.000 êklai prăk), đĭ 2% mkă hŏng wưng anei thŭn dih, lehanăn djăp 50,6% hdră kčah hlăm thŭn.
Hlue anăn dŭm mta boh mnga bruă lŏ hma hlăm čar mâo lu jing kphê, asăr kñul, ksu, kyâo, lehanăn boh kroh. Boh nik, hlăm 6 mlan akŏ thŭn mâo čhĭ leh truh 228.000 tôn kphê, ba wĭt hlăm brô 485 êklăk dollar, giăm 12 êbâo êklai prăk, tal 2 jing kñŭl mâo 2.500 êklai prăk, tal 3 jing tiu mâo hlăm brô 1.800 êklai prăk lehanăn knhal tuč jing ksu, mnơ̆ng hŏng kyâo lehanăn boh kroh, braih măkka.
Huỳnh Ngọc Dương – K’iăng khua knơ̆ng bruă brei thâo čiăng kơ bruă čar Daklak mâo čhĭ nanao mnơ̆ng kơ ala tač êngao hơĭt ti ênoh 1 êklai 610 êklăk dollar (hlăm brô 38.000 êklai prăk) tui si hdră hlăm thŭn 2023, bruă duh mkra mnia mblei hlăk dôk mâo hdră đru kơ phung duh mkra hơĭt hlăm bruă mnia mblei hŏng ala tač êngao jing boh mnga bruă pla mjing./.
Viết bình luận