VOV4.Êđê - Anôk bruă dliê kyâo, hlăm phŭn bruă lŏ hma brei thâo, ênoh mâo čhĭ mnia hŏng ala tač êngao dŭm mta mnơ̆ng mơ̆ng dliê kyâo mlan 7, mâo hlăm brô 1 êklai 410 êklăk dolar, hrŏ 5,5% mkă hŏng mlan 6, lehanăn hrŏ 1,6% mkă hŏng wưng anei thŭn dih. Khădah msĕ snăn, hlăm 7 mlan êgao, klei bi mnia mblei hŏng ala tač êngao dŭm mta mnơ̆ng mơ̆ng dliê ăt đĭ 1,3%, mkă hŏng wưng anei thŭn dih, mâo hlăm brô 10 êklai 420 êklăk dolar. Hlăm 7 mlan mnơ̆ng mơ̆ng dliê mâo čhĭ leh kơ 110 ala čar. Msĕ si kơ ala čar Mi; Japon; China; EU; Dhŭng Korea jing dŭm anôk čhĭ phŭn, truh 90% ênoh kyâo mtâo, mnơ̆ng mơ̆ng dliê mâo čhĭ kơ ala tač êngao. Hjăn ti Mi mâo čhĭ hŏng ênoh hrŏ truh 4,9% mkă hŏng wưng anei thŭn dih, snăn bi hrŏ sơăi klei bi mnia mblei hŏng ala tač êngao mơ̆ng akŏ thŭn truh kơ ară anei./.

Y-Khem pô mblang