VOV4.Êđê-  Tui si Phŭn bruă lŏ hma, hlăm 9 mlan êgao, ênoh bi mnia mblei hŏng ala tač êngao bruă lŏ hma dliê kyâo mnơ̆ng hlăm êa hlăm brô 40 êklai 800 êklăk dolar, đĭ 15,2%. Mơ̆ng anăn, snăn ênoh bi kpleh bruă lŏ hma dliê   kyâo mnơ̆ng hlăm êa mâo hlăm brô 6 êklai 900 êklăk dolar, jing dua blư̆ lu hĭn kơ thŭn dih. Dlăng kluôm 9 mlan, bruă lŏ hma phŭn, mnơ̆ng dliê kyâo phŭn lehanăn jih jang hdang kan mâo čhĭ kơ ala tač êngao đĭ sơăi. Truh kơ ară anei kluôm anôk bruă lŏ hma mâo 7 mta mnơ̆ng, mâo ênoh bi mnia mblei hŏng ala tač êngao êbeh 2 êklai dolar jing kphê, ksu, braih, djam mtam boh kroh, kñŭl, hdang, mnơ̆ng hŏng kyâo. Lu mnơ̆ng yuôm hĭn mâo kphê, ksu, braih, tiu, hbei ƀlang, mnơ̆ng mkra mjing mơ̆ng hbei ƀlang, kan tra, hdang kyâo, lehanăn mnơ̆ng mơ̆ng kyâo... jing kdlưn hĭn kơ thŭn dih. Hlăm anăn kphê đĭ hĭn giăm 22%, tiu êbeh 30%. Lăn čar blei mnia lu hĭn jing Mi, China, Japon, lehanăn Dhŭng Korea./.

Pô mblang: Y-Khem Niê