VOV4.Êđê- Wăt tơdah tuôm hŏng lu klei dleh dlan kyua klei ruă Covid-19, ƀiădah bruă ba čhĭ kơ ala tač êngao dŭm mta mnơ̆ng dhơ̆ng lŏ hma ti čar Dak Lak hlăm mkrah akŏ thŭn 2022 ăt đĭ lu, mâo giăm 20 êbâo êklai prăk (bi knar hŏng 845 êklăk USD), đĭ 60% mkă hŏng wưng anei thŭn êlâo. Hlăm anăn kphê ăt jing mnơ̆ng phŭn, mâo 70% prăk hrui wĭt; leh anăn jing ksu, tiu, adôk jing dŭm mta mnơ̆ng dhơ̆ng mơ̆ng lŏ hma mkăn msĕ si êa hnuê, braih, boh kroh, djam tam.

Knơ̆ng bruă tuh tia mnia blei čar Dak Lak brei thâo: bruă dŭm klei kuôl kă mnia blei msĕ si: Klei kuôl kă mnia blei êngiê Việt Nam - Eu, Klei kuôl kă ƀĭng hgŭm kluôm leh anăn đĭ kyar hluh Pacific, Klei kuôl kă mnia blei krĭng Asean mâo klei tŭ dưn ăt pŏk klei găl kơ dŭm anôk bruă duh mkra ba čhĭ hlăm ala čar leh anăn ti Dak Lak dưi ba čhĭ kơ dŭm anôk prŏng msĕ si: EU, Japon, Dhŭng Korea, dŭm ala čar Ngŏ Dhŭng Asi./.

                                               Pô mblang: H’Zawut Ƀuôn Yă