Hluê si klei hưn hlăm klei kƀĭn, hlăm wưng mrâo êgao, čar Dak Lak đăo knăl mâo hlăm brô 526.000 tôn, đĭ hĭn 17.800 tôn mkă hŏng wưng hrui pĕ êlâo. Truh kơ ară anei, kphê mơ̆ng Dak Lak dưi mnia mblei truh kơ 64 ala čar, alŭ wăl dlông rŏng lăn.

Hlăm anăn, Japon lŏ dơ̆ng jing anôk mnia mblei prŏng hĭn mơ̆ng Kphê Dak Lak. Thŭn 2022, hnơ̆ng klei mnia mblei kphê mơ̆ng čar mâo êbeh 810 êklăk USD, mâo 21% mkă hŏng kluôm ala. Wưng hrui pĕ kphê thŭn 2022-2023, Dak Lak mĭn tĭng mnia mblei hlăm brô 420.000 tôn kphê. Hdră mơ̆ng čar jing amâo mâo mđĭ ênhă, ƀiădah rơ̆ng hơĭt ti hnơ̆ng 204.00 ha, hnơ̆ng boh mnga mâo hlăm brô 526.000 tôn.