Nguyễn Hoài Dương, khua kiă kriê knơ̆ng bruă lŏ hma leh anăn mđĭ kyar krĭng ƀuôn sang čar Dak Lak brei thâo, bruă mkŏ mjing êpul hgŭm anei mdưm leh lu mta kñăm kơ boh durian Dak Lak leh anăn Việt Nam đĭ kyar kơ êdei anăp.

Ƀiădah, hlăm wưng kčưm, Êpul hgŭm pla mjing durian čar Dak Lak srăng mkŏ mjing, iêo jak ƀĭng hgŭm hluê ngă dŭm hdră êlan kñăm đru kơ phung nao hgŭm thâo klă hdră pla mjing leh anăn mkra mjing mnơ̆ng dhơ̆ng mâo hnơ̆ng tŭ jăk čiăng mkŏ mjing ai dưi bi ktưn. Mơ̆ng anăn, mâo klei găl bi mguôp leh anăn ba čhĭ ênưih hĭn, mkŏ mjing wăl mnia mblei hŏng ênoh hơĭt hĭn kơ ƀĭng ngă lŏ hma, phung nao hgŭm, ƀrư̆ ƀrư̆ mđĭ kyar krĭng pla mjing mâo ênŭm hnơ̆ng čuăn čiăng mđĭ ai bi ktưn mơ̆ng durian Dak Lak.