VOV4.Êđê - Hruê mbruê 16/9, Êpul hgŭm ƀĭng ngă lŏ hma čar Dak Lak mkŏ mjing klei kƀĭn “Ƀĭng ngă lŏ hma čô̆ kơ bruă hŏng klei mbruă hlăm wưng mlih mrô hŏng dŭm mta mnơ̆ng dhơ̆ng OCOP”.

Truh kơ ară anei, čar Dak Lak mâo 72 mta mnơ̆ng dhơ̆ng dưi tŭ yap jing mnơ̆ng dhơ̆ng OCOP mơ̆ng 3-4 mtŭ, hlăm dŭm mta mnơ̆ng dhơ̆ng mơ̆ng bruă lŏ hma nao mbĭt hŏng klei găl, ai ktang mơ̆ng grăp alŭ wăl msĕ si: Kphê, tiu, boh ƀơr, durian. Hlăm klei kƀĭn, phung bi ala kñăm bi trông kơ dŭm mta phŭn djŏ tuôm hŏng bruă bi klă mnơ̆ng dhơ̆ng mơ̆ng bruă lŏ hma nao mbĭt hŏng klei găl alŭ wăl čiăng mâo hdră tă djŏ guôp. Mbĭt anăn, tui duah klei găl čiăng pŏk phai anôk mnia mblei, mđĭ anăn knăl mnơ̆ng dhơ̆ng mơ̆ng grăp anôk bruă hluê ngă hdră OCOP. Phung bi ala ăt đăo knang bruă mlih mrô bruă lŏ hma jing klei năng êdi, đru kơ bruă ba mdah hdră êlan dưn yua ai dưi srăng jăk hĭn, đru mđĭ klei ngă bruă, hnơ̆ng tŭ jăk, boh tŭ bruă mkra mjing leh anăn ba čhĭ, mbĭt anăn mkŏ mjing klei tŭ dưn kjăp kơ boh mnga bruă lŏ hma.

            Y-Ƀel pô mblang