Čar Dak Lak ară anei mâo êbeh 22.500 ha durian hŏng hnơ̆ng truh kơ êbeh 200.000 tôn, wưng hrui pĕ mơ̆ng knhal jih mlan 7 truh kơ mlan 10 grăp thŭn. Truh kơ ară anei, durian čar Dak Lak truh leh wưng hrui pĕ. Čiăng găl kơ klei mnia mblei, Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak mñă kơ Anôk bruă răng mgang ana pla mjing jao kơ dŭm anôk bruă mta phŭn, tiŏ nao phung knuă druh, ba kdrăp ksiêm dlăng klei mnơ̆ng ngă leh anăn ngă hră mơar bi klă klei mnơ̆ng ngă ti alŭ wăl hŏng dŭm mta mnơ̆ng dhơ̆ng durian ti čar Dak Lak hlăm wưng pla mjing thŭn 2023.

Êlâo kơnăn, hlăm mmông mă bruă pla wah anôk bruă răng mgang ana pla mjing hŏng, Knơ̆ng bruă lŏ hma leh anăn mđĭ kyar krĭng ƀuôn sang čar Dak Lak, Êpul hgŭm phung pla mjing durian čar Dak Lak, Anôk bruă răng mgang ana pla mjing bi tŭ ư tiŏ nao knuă druh leh anăn kdrăp yua ksiêm dlăng klei mnơ̆ng ngă leh anăn ngă hră mơar bi klă klei mnơ̆ng ngă ti alŭ wăl hŏng dŭm mta mnơ̆ng dhơ̆ng durian ti čar Dak Lak.