Hluê si anôk bruă mtrŭt mđĭ bruă lŏ hma ala čar, hdră lông ngă “Mđĭ boh tŭ dưn klei ngă bruă mtrŭt mđĭ bruă lŏ hma hluê hdră bi kluôm klei bi hmô êpul mtrŭt mđĭ bruă lŏ hma yang ƀuôn” mâo anôk bruă hluê ngă ti thŭn 2021, hlăm 13 čar hlăm 5 krĭng pla mjing. Boh tŭ, dưi mkŏ mjing 26 êpul mtrŭt mđĭ bruă lŏ hma yang ƀuôn, hlăm anăn mâo 8 êpul ti krĭng Lăn Dăp Kngư. Leh giăm 1 thŭn ngă bruă, dŭm êpul dưi bi lar bruă klam pô hlăm bruă mkŏ mjing krĭng pla mjing kphê kjăp, hâo hưn klei kreh knhâo mrâo mrang truh kơ ƀĭng ngă lŏ hma, nao hgŭm mkŏ wĭt klei mkra mjing, bi mbŏ klei thâo bruă duh mkra mnia mblei hrô kơ klei pla mjing.

Phung bi ala ăt kčĕ dŭm hdră êlan mđĭ mđĭ boh tŭ klei ngă bruă mơ̆ng êpul msĕ si mđĭ hdră yang ƀuôn hlăm bruă mtrŭt mđĭ bruă lŏ hma, lŏ dơ̆ng pŏk adŭ mtô bi hriăm kơ phung nao hgŭm hlăm êpul mtrŭt mđĭ bruă lŏ hma yang ƀuôn, boh nik jing dŭm mta phŭn djŏ tuôm hŏng bruă duh mkra êpul, mđĭ kyar êpul hgŭm bruă, mkŏ boh tŭ leh anăn mlih mrô.