Anei jing gưl tal êlâo čar Dak Lak mkŏ mjing hdră anei hlăm Knăm mơak Kphê Ƀuôn Ama Thuôt. Hluê anăn, Knăm mơak pơ̆ng nưh ti đang kphê srăng dưi mkŏ mjing mơ̆ng hruê 10 – 12/3 ti Wăl knhuah gru hƀuê ênuk – Dhar kreh kdrăn ngă lŏ hma Ca Da, să Êa Yông, kdriêk Krông Pač, čar Dak Lak. Hŏng akŏ “Hrăm mbĭt, kah mbha”, Knăm anei srăng ba klei găl hưn mthâo anăn knăl Kphê Ƀuôn Ama Thuôt, bi mni kơ mnuih pla lehanăn mkra mjing kphê, mbĭt anăn mñă klă kơhưm kphê Việt Nam hlăm hră kak lăn tar rŏng lăn.

Ti knăm anei, srăng mâo lu bruă ngă jăk jĭn, msĕ si pơ̆ng nưh, hưn mthâo kphê jăk, mnơ̆ng OCOP, mnơ̆ng lŏ hma, rang mdah rup, klei bi lông ƀĭng ngă lŏ hma mbruă, mjĕ mjuk dhar kreh – kdŏ mmuñ, boh nik klei bi lông mkra, đeh kwă kphê jăk. Knăm mơak Kphê Ƀuôn Ama Thuôt tal 9 thŭn 2025 srăng mkŏ mjing mơ̆ng hruê 9 truh kơ hruê 13/3/2025 hŏng akŏ “Ƀuôn Ama Thuôt anôk truh mơ̆ng kphê tar rŏng lăn”./.