Hruê mbruê 14/6, ti ƀuôn prŏng Ƀuôn Ama Thuôt, čar Dak Lak, Anôk bruă mtrŭt mđĭ bruă lŏ hma bi mguôp hŏng Anôk bruă hdră mnêč mrâo mrang bruă lŏ hma krĭng Lăn Dăp Kngư leh anăn knơ̆ng bruă hbâo pruê Bình Điền Mkŏ mjing hdră “Pla mjing kphê thâo mĭn djŏ guôp hŏng klei mlih yan adiê krĭng Lăn Dăp Kngư ” wưng thŭn 2023 – 2025. Hdră anei dưi lông ngă ti 15 kdriêk kñăm pla mjing hjăn kphê leh anăn pla pluă hŏng durian, tiu krĭng Lăn Dăp Kngư.

Hlăm klei kƀĭn trông, phung knuă druh bruă lŏ hma nah gŭ dưi mtô mjuăt hdră hrui mă klei čih mơ̆ng êbeh 500 gŏ sang pla mjing kphê ti 5 čar krĭng Lăn Dăp Kngư. Phan Văn Tâm, ti knơ̆ng bruă duh mkra mnia mblei hbâo pruê Bình điền brei thâo: Klei kƀĭn trông đru kơ dŭm tĭng thâo săng klă hĭn kơ bruă klam mơ̆ng grăp čô hlăm hdră, mơ̆ng anăn rơ̆ng kơ boh tŭ dưn anei đru kơ ƀĭng ngă lŏ hma pla mjing kphê ti krĭng Lăn Dăp Kngư, đru kơ ƀĭng ngă lŏ hma dưi yua dŭm boh tŭ dưn mơ̆ng hdră anei.