VOV4.Êđê- Hlăm “Klei bi kƀĭn mtrŭt mjhar iêô jak duh bi liê leh anăn mđĭ kyar mnơ̆ng dhơ̆ng lŏ hma, bruă lŏ hma hơĭt kjăp thŭn 2022”, Knơ̆ng bruă sang čư̆ êa kdriêk Krông Pač, čar Dak Lak hâo hưn kơ phung duh bi liê, anôk bruă duh mkra kơ klei găl, hdră kñăm mđĭ kyar, hdră tă iêô jak duh bi liê mơ̆ng alŭ wăl wưng 2021-2025. 

  Hlăm bryă lŏ hma, kdriêk Krông Pač dôk iêô mthưr duh bi liê hlăm 10 hdră bruă mâo ênoh mĭn tĭng hlăm brô 650 êklai prăk, mđing kơ dŭm hdră bruă lŏ hma doh, bruă lŏ hma ba yua kdrăp mrâo mguôp hŏng bruă tuh tia mkra mjing. Mơ̆ng Klei bi kƀĭn anei kdriêk čang hmăng lŏ dơ̆ng iêo jak duh bi liê, đru mđĭ bruă duh mkra- ala ƀuôn đĭ kyar leh anăn bi leh hdră kñăm klei bi kƀĭn bruă Đảng kdriêk wưng 2020-2025.

Pô mblang: H’Zawut Ƀuôn Yă