Phung bi ala mâo ktrât atăt leh hdră êlan mă bruă kơ klei mbha gưl kiă kriê bruă mkăp mrô knăl krĭng pla mjing, lehanăn đŭng hruh mnơ̆ng mkra mjing boh mnga. Kčĕ kơ dŭm klei bhiăn tui si hdră mtrŭn kơ bruă ksiêm dlăng hnơ̆ng kjăp, hnơ̆ng doh boh mnga boh nik boh durian, hbei tao, mtei pioh ba čhĭ kơ ala čar China, mbĭt hŏng anăn, phung hriăm brei thâo ba yua hbâo pruê doh, jing jăk hŏng boh durian, ktrâo atăt bruă kiă kriê klei ba yua êa drao răng mgang mnơ̆ng pla mjing hŏng klei êđăp ênang, tŭ jăk.

Daklak mâo lu mta boh mnga dưi ba čhĭ kơ ala tač êngao. Boh nik, leh phŭn bruă lŏ hma jao klei dưi kiă kriê, lehanăn mkăp mrô knăl krĭng pla mjing, ênhă đang boh durian mâo tŭ yap djăp ênoh čuăn čhĭ kơ ala tač êngao lehanăn mâo ngă hră mkăp mrô knăl kơ krĭng pla mjing pral hĭn./.