Klei bi lông anei mâo 6 êpul bi lông bi ala kơ 6 čar jing: Sơn La, Kon Tum, Gia Lai, Dak Lak, Dak Nông leh anăn Lâm Đồng. Phung bi lông dưi hrŏng mă mơ̆ng nah gŭ čiăng ruah êpul bi lông ƀĭng ngă lŏ hma pla mjing kphê êdah êdi nao hlăm klei bi lông knhal tuč. Hŏng akŏ “Pla mjing kphê thâo mĭn, djŏ guôp hŏng klei mlih yan adiê”, phung bi lông găn 4 klei bi lông: Ƀĭng ngă lŏ hma thâo mbruă, bi ngă lŏ hma bi mguôp, ƀĭng ngă lŏ hma thâo mĭn, ƀĭng ngă lŏ hma thâo ngă bruă.

Hlăm dŭm klei bi lông, phung bi lông dưi bi êdah klei thâo, bruă ngă, klei hriăm kơ bruă dưn yua hdră mnêč kdrăp mrâo hlăm bruă pla mjing kphê djŏ guôp hŏng klei mlih yan adiê leh anăn dŭm boh klei djŏ tuôm hŏng bruă mkra mjing, anôk mnia mblei, mkŏ bruă mkra mjing mâo hră tŭ yap, mkŏ mjing klei bi mguôp leh anăn mđĭ myar klei bi mguôp hlăm bruă mkra mjing kphê.