Mơ̆ng akŏ thŭn truh kơ ară anei, klei bi mnia mblei boh mnga bruă lŏ hma, mnơ̆ng mơ̆ng dliê, lehanăn kan hdang mâo leh êbeh 49 êklai dolar, đĭ 11,8% mkă hŏng wưng anei thŭn dih. Truh kơ ară anei, mâo leh 8 mta mnơ̆ng mâo ênoh yuôm čhĭ mnia hŏng ala tač êngao truh êbeh 2 êklai dolar, jing: Kphê, ktăk ksu, braih, djam mtam boh kroh, boh kñŭl, hdang, kan tra, mnơ̆ng mơ̆ng kyâo.

Ti anôk bi trông, phung bi ala lač, bruă pŏk mlar klei mnia mblei ti dŭm ala čar mâo klei bhiăn kjăp, kñăm čiăng dưi djă pioh nanao anôk mnia mblei anăn hŏng klei kjăp. Kyuanăn, phung ngă lŏ hma, phung duh mkra brei mâo klei gĭr hĭn bi mlih hdră êlan mă bruă, bi djŏ hŏng mnuih blei yua čiăng, bi djŏ hŏng ênoh čuăn mơ̆ng mdê bi ala čar./.