Mơ̆ng thŭn 2017 truh ară anei, Knơ̆ng bruă Wasi lehanăn Anôk bruă hbâo pruê Bình Điền ngă leh 23 hdră ksiêm dlăng lehanăn 28 gru hmô pla mjing h’ĭt kjăp hŏng 5 mta mnơ̆ng pla phŭn jing: Kphê, tiu, boh durian, ƀơr, djam lehanăn ktơr. Mơ̆ng gru hmô anei, ƀĭng ngă lŏ hma thâo leh kơ hdră pla mjing mkriêt mkriêm lehanăn jăk hŏng wăl hdĭp mda.

Mơ̆ng anăn, đru mđĭ boh tŭ bruă duh mkra, bi lu jơr hdră ksiêm dlăng lehanăn ba jao kdrăp ksiêm dlăng mơ̆ng Wasi kơ ƀĭng ngă lŏ hma… Ti knăm anei, knơ̆ng bruă Wasi, anôk bruă hbâo pruê Bình Điền, Anôk mtrŭt mjhar bruă ngă lŏ hma ala čar siñê leh hdră bi hgŭm hlăm hdră “Pla mjing kphê jăk hluê kdrăp mrâo djŏ guôp hŏng klei bi mlih yan adiê ti krĭng Lăn dap kngư” truh thŭn 2025. Mta kñăm bi hriăm ƀiă êdi 1.000 čô ngă lŏ hma/grăp čar krĭng lăn dap kngư klei thâo kơ bruă pla kphê h’ĭt kjăp, ba yua kdrăp mrâo; ksiêm dlăng kơ hbâo pruê djŏ guôp hŏng mta lăn, đru mđĭ boh tŭ yuôm, mđĭ hnư hrui wĭt kơ ƀĭng ngă lŏ hma lehanăn anôk bruă duh mkra./.