Klă sĭt ti ala čar drei ară anei dôk kƀah anôk pla mjing mdiê lŏ hnơ̆ng prŏng, klei bi mguôp ka kjăp plah wah phung pla mjing hŏng êpul hgŭm bruă leh anăn knơ̆ng bruă, dŭm hdră êlan pla mjing ka kjăp. Dŭm klei blŭ hlăm klei kƀĭn bi lač, bruă dưn yua êdeh êdâo, đa đa kdrăp čŏng ngă bruă čiăng dưi yua hlăm bruă mkra mjing  braih mdiê.

Čiăng mđĭ hnơ̆ng knơ̆ng kdơ̆ng êa, bi hơĭt bruă mkŏ mkta dŭ mdiăng, mkra mjing leh anăn ba čhĭ boh mnga bruă lŏ hma. K’iăng khua phŭn bruă lŏ hma leh anăn mđĭ kyar krĭng ƀuôn sang Trần Thanh Nam brei thâo “Hdră mkăp 1 êklăk ha mdiê hnơ̆ng tŭ jăk nao mbĭt hŏng đĭ kyar mtah” srăng hưn mdah hŏng knŭk kna hlăm wưng kơ anăp mâo boh tŭ dưn yuôm bhăn hlăm bruă mlih klei mĭn mkra mjing bruă lŏ hma jing bruă duh mkra lŏ hma, mđĭ hnơ̆ng tŭ jăk, mkŏ mjing ênoh leh anăn mđĭ kyar bruă lŏ hma kjăp.