VOV4.Êđê-Ti čar Kon Tum mnơ̆ng ngă ti ana Sâm Ngọc Linh đĭ pral ba lu klei luič liê, boh nik hŏng ƀĭng ngă lŏ hma mnuih djuê ƀiă dleh dlan. Klei ksiêm yap mơ̆ng dua kdriêk Đăk Glei lehanăn Tu Mơrông, čar Kon Tum brei thâo, truh ară anei mâo hlăm brô 50 êbâo ana sâm Ngọc Linh djŏ mnơ̆ng ngă.

Hlăm ênoh anăn, Ana sâm djŏ mnơ̆ng ngă ti kdriêk Đăk Glei êbeh 10 êbâo ana lehanăn kdriêk Tu Mơrông êbeh 39 êbâo ana. Ti anăp klei mnơ̆ng ngă ti ana sâm Ngọc Linh đĭ lar, ba lu klei luič liê, ti Klei bi kƀĭn tal 8 Anôk kriê dlăng bruă Đảng čar gưl XVI, Khua bruă Đảng, Khua êpul gơ̆ng bruă ƀuôn sang čar Kon Tum Dương Văn Trang bi mklă leh bruă klam mơ̆ng Knơ̆ng bruă Lŏ hma mđĭ kyar krĭng ƀuôn sang.

Nguyễn Tấn Liêm, khua knơ̆ng bruă brei thâo, knơ̆ng bruă thâo leh kơ klei anei lehanăn pral mâo hdră msir mghaih mnơ̆ng ngă ti ana sâm Ngọc Linh.

                                                    Pô mblang: H’Nêč Êñuôl