VOV4.Êđê- Hluê ngă klei mtă mơ̆ng Anôk bruă sang čư̆ êa čar Kon Tum kơ bruă đru kơ mnuih pla sâm Ngọc Linh msir mghaih klei luič liê kyua mnơ̆ng ngă. Knơ̆ng prăk đru ba yang ƀuôn čar Kon Tum dôk bi mklă klei luič liê mơ̆ng grăp gŏ sang čiăng mâo hdră đru. Ară anei, dua kdriêk Tu Mơ Rông lehanăn Đăk Glei mâo 953 gŏ êsei čan prăk ti knơ̆ng prăk duh pla sâm Ngọc Linh êbeh 62 êklai prăk. Hluê klei ksiêm dlăng tal êlâo, ti kdriêk Tu Mơ Rông mâo 87 gŏ êsei pla sâm Ngọc Linh djiê djŏ mnơ̆ng ngă hŏng ênoh nư dôk đuôm 6 êklai prăk.

Ti kdriêk Đăk Glei mâo 9 gŏ êsei pla sâm Ngọc Linh djiê djŏ mnơ̆ng ngă hŏng ênoh nư dôk đuôm 380 êklăk prăk. Knơ̆ng prăk dôk bi hgŭm hŏng bruă sang čư̆ êa 2 kdriêk anei bi mklă hnơ̆ng luič liê čiăng mâo hdră đru. Hluê anăn, srăng bi tai wưng tla nư tơdah hnơ̆ng luič liê ti gŭ 40%; brei bi kdung tla nư hlăm 3 thŭn tơdah luič liê mơ̆ng 40% truh 80%. Bi kdung tla nư hlăm 5 thŭn tơdah luič liê êbeh 80%.

                                                    Pô mblang: H’Nêč Êñuôl