Kyua klei hmăi mơ̆ng yan adiê mlih mơ̆ng yan bhang truh yan hjan, ti kdriêk Tu Mơ Rông, krĭng pla mjing Sâm Ngọc Linh mơ̆ng čar Kon Tum mâo leh lu blư̆ hjan lĕ pliêr.

Čiăng ñĕ kơ klei hmăi mơ̆ng hjan pliêr msĕ hŏng thŭn dih, Truh kơ ară anei, čar Kon Tum dưi mđĭ kyar êbeh 1.700 ha Sâm Ngọc Linh, hlăm anăn mnuih ƀuôn sang čŏng pla mjing hlăm brô 70ha leh anăn lu ênhă adôk mơ̆ng dŭm knơ̆ng bruă. Hŏng boh tŭ jing ana êa drao leh anăn hlăm bruă duh mkra, ară anei Sâm Ngọc Linh mjeh sa thŭn mâo ênoh čhĭ hlăm brô 300.000 prăk.

Hlăm tlâo mlan êgao, dŭm gŏ sang ƀun ƀin, giăm ƀun ƀin ti alŭ wăl kdriêk lĭng čan leh giăm 9 êklai prăk duh bi liê pla Sâm Ngọc Linh. Thŭn dih, hjan pliêr leh anăn mnơ̆ng ngă bi rai leh dŭm pluh êbâo ana Sâm Ngọc Linh mơ̆ng mnuih ƀuôn sang ti čar Kon Tum, ngă truh klei hmăi prŏng kơ bruă duh mkra. Čiăng đru kơ mnuih ƀuôn sang mghaih msir klei hmăi, găn hgao klei dleh dlan, mbĭt hŏng bruă bi kdung klei tla nư mơ̆ng knơ̆ng Prăk, đa đa knơ̆ng bruă ăt mkăp brei mjeh amâo mâo mă prăk čiăng lŏ wĭt pla mjing đang Sâm Ngọc Linh.