Khădah snăn kyua ka thâo yua kdrăp mrâo, ară anei anôk bruă thơ̆ng ti čar ăt dôk mtŭk mtŭl hŏng kdrăp masin mrâo mrang anei. Truh ară anei leh giăm 5 mlan blei kdrăp masin, wĭt lač klei êmuh hlăm Klei bi kƀĭn tal 5, Êpul gơ̆ng bruă ƀuôn sang čar Kon Tum gưl XII mrâo êgao, Bùi Thanh Bình- Khua Knơ̆ng bruă kreh knhâo leh anăn kdrăp mrâo čar Kon Tum, brei thâo čiăng ba yua dŭm kdrăp anei, mơ̆ng leh ka blei masin pral tiŏ nao 4 čô knuă druh nao hriăm mjuăt leh anăn phung anei ăt păn kjăp hdră mrâo mrang.

Khădah snăn lŏ mâo klei ka thâo ênŭm ôh. Hdră bruă blei 2 kdrăp masin bi mklă hnơ̆ng jăk Sâm Ngọc Linh mơ̆ng Knơ̆ng bruă kreh knhâo leh anăn kdrăp mrâo čar Kon Tum ngă pô bi liê hŏng kdrăp ksiêm dlăng DNA leh anăn ksiem dlăng mta sinh học Saponin mâo hnơ̆ng bi liê giăm 12 êklai prăk, hlăm anăn hjăn prăk bi liê brei kdrăp mnơ̆ng êbeh 8 êklai 300 êklăk prăk./.