VOV4.Êđê- Yap truh kơ jih mlan 9 leh êgao čar Kontum pla mrâo leh êbeh 4 êbâo 700 ha dliê, jing kdlưn hĭn hŏng hdră kčah mtrŭn hlăm thŭn anei. Tui si anôk bruă kiă kriê dliê kyâo čar hưn, truh jih mlan 9 leh êgao pô dliê, êpul êya bruă, alŭ wăl hlăm čar mâo pla leh ênoh ênhă anăn, êbeh hĭn truh 200ha tui si hdră čar mtrŭn hlăm thŭn anei. Hlăm 5 kdriêk, ƀuôn prŏng pla dliê kdlưn hĭn hŏng ênoh čuăn jing Sa Thầy, Đăk Hà; Đăk Glei; Kon braih lehanăn ƀuôn prŏng Kontum.

Lu jing pla hngô 3 hla, ana mtŭk, ana săm đrao... Nguyễn Văn Nam, k’iăng khua kiăkriê bruă dliê kyâo čar Kontum. Bruă kiă kriê dliê kyâo mơ̆ng klei pui ƀơ̆ng, lehanăn klei hluăt ƀơ̆ng mnơ̆ng ngă jing bruă hlăm wưng kơ anăp, năng mđĭ hĭn bruă knuă, snăn bruă sang čư̆ êa să, ƀuôn hgŭm, mâo klei bi đru hrăm mbĭt hŏng êpul bruă kiă kriê dliê kyâo mđrăm mbĭt hŏng phung ƀuôn sang hiu suăng êwăng jêñ jêñ, răng kriê boh tŭ dưn bruă pô ngă./.

Pô mblang: Y-Khem Niê