Wưng anei hlăk hlê jing yan bhang không kƀah êa, Bruă lŏ hma čar Kon Tum mprăp leh djăp hdră mghaih msir klei krih êa kơ mnơ̆ng pla mjing boh nik yan pla mjing puih mnga 2022-2023. Čar Kon Tum ară anei mâo truh 178 boh knơ̆ng kdơ̆ng êa hlăk dôk mkăp êa yua pioh krih mđoh kơ êbeh 16.600ha mnơ̆ng pla mjing djăp mta.

Siămdah, jih jang knơng kdơ̆ng êa amâo mâo sa hnơ̆ng ôh kơ ênoh êa mâo, snăn bruă mbha êa krih mđoh kơ mnơ̆ng pla dleh dưi djăp mơh, tơdah adiê lŏ không sui amâo mâo hjan. Snăn đing hlăm knhal jih yan yan srăng kƀah êa lu Tĭng knăl mơ̆ng ară anei, mâo hlăm 250ha mnơ̆ng pla srăng tuôm hŏng klei amâo mâo djăp êa. Čiăng bi hrŏ anôk pla mjing amâo mâo djăp êa, snăn dhar bruă djŏ tuôm trŭn mtam bruă hwai mdoh mnôr mbông êa, mkŏ dăp dŭm boh môtơr pom êa ti dŭm anôk knơ̆ng kdơ̆ng êa amâo lŏđoh hlăm knhal jih yan không./.