VOV4.Êđê -  Tlam 21/7, ti ƀuôn prŏng Ƀuôn Ama Thuôt, čar Dak Lak, Knơ̆ng bruă mtrŭt mjhar mnia blei bi hgŭm hŏng Phung mnia blei Việt Nam ti Afrik mkŏ mjing Gưl êmuh online ba čhĭ kphê kơ Afrik kñăm đru kơ dŭm alŭ wăl, anôk bruă duh mkra, êpul hgŭm bruă Việt Nam duah ƀĭng hgŭm, mkŏ mnia blei. Hluê si klei hâo hưn mơ̆ng Phŭn bruă tuh tia mnia blei, Afrik jing anôk mâo klei čiăng kphê lu. Grăp thŭn Afrik pioh hlăm brô 750 êklăk USD čiăng blei kphê. Hlăm anăn, Việt Nam jing 1 hlăm 5 anôk mkăp phŭn.

Êngao kơ ba čhĭ kphê ka mkra mjing, đa đa anăn knăl mkra mjing kphê mơ̆ng Việt Nam msĕ si Trung Nguyên, King Coffee… ăt dưi mđing dlăng ti krĭng anei. Nao hlăm Klei kčĕ, Lê Văn Vương, Khua Knơ̆ng bruă Vương Thành Công brei thâo, anei jing klei găl jăk čiăng anôk bruă duh mkra mđing hmư̆ kah mbha mơ̆ng phung thơ̆ng ksiêm hriăm anôk ba čhĭ, mơ̆ng anăn ñĕ kơ klei amâo jăk tăm mâo sĭt ba čhĭ kphê kơ dŭm ala čar Afrik./.

H’Zawut pô mblang