Hlăm klei ksiêm dlăng hdră kuai mă bausit ti alŭ wăl, knơ̆ng bruă lŏ hma leh anăn mđĭ kyar krĭng ƀuôn sang Lâm Đồng bi klă mâo lu ênhă lăn dôk hlăm lăn dliê. Klă klơ̆ng, hlăm ênoh êbeh 21.000 ha lăn dưi brei klei dưi ksiêm dlăng, kkuai mă buasit ti dŭn kdriêk Bảo Lâm, Di Linh leh anăn ƀuôn prŏng Bảo Lộc, mâo êbeh 4.900ha dliê mkra mjing leh anăn 11ha dliê knŭk kna mkuôm.

Boh tŭ klei ksiêm dlăng brei ƀuh, alŭ wăl dưi mâo klei dưi ksiêm dlăng kkuai mă Bausit srăng hmăi kơ 4.458ha dliê (hlăm anăn mâo 2.938 ha jing dliê hrông). Mbĭt anăn, gang mkhư̆ klei ksĭng mmiă ênhă lăn dliê mơ̆ng 12 knơ̆ng bruă mưn lăn, mưn dliê čiăng hluê ngă dŭm hdră duh bi liê. Kyuanăn, knơ̆ng bruă lŏ hma leh anăn mđĭ kyar krĭng ƀuôn sang čar Lâm Đồng mñă kơ knơ̆ng bruă tuh tia leh anăn dŭm anôk bruă djŏ tuôm hưn mdah hŏng bruă sang čư êa alŭ wăl ksiêm dlăng, mkra mlih hdră čuăl mkă kkuai mă Bausit ti alŭ wăl brei bi djŏ guôp.