Pui ƀơ̆ng bâo ngă truh klei hmăi amâo mâo jăk kơ ƀĭng ngă lŏ hma leh anăn hmăi truh kơ hdră hrui koh, mkra mjing mơ̆ng dŭm knơ̆ng bruă. Ară anei dŭm alŭ wăl dôk bi mguôp hŏng knơ̆ng bruă leh anăn mnuih ƀuôn sang hluê ngă lu hdră êlan gang mkhư̆ klei pui ƀơ̆ng, bi hmar bruă hrui koh kbâo, đru kơ mnuih ƀuôn sang bi hrŏ klei hmăi amâo mâo jăk. Hluê si knơ̆ng bruă duh mkra mnia mblei Thành Công Gia Lai, mơ̆ng wưng êdei tết Nguyên Đán, klei pui ƀơ̆ng kbâo ti krĭng pla mjing mơ̆ng anôk bruă dleh dưi ksiêm dlăng, hmăi truh kơ hdră mkra mjing. Truh kơ ară anei, mâo leh 30 klei pui ƀơ̆ng kbâo, hmăi truh kơ êbeh 270ha, đĭ êbeh 5 blư̆ mkă hŏng wưng pla mjing êlâo.

Trương Quang Trình, k’iăng khua kiă kriê knơ̆ng bruă brei thâo, ti anăp klei pui ƀơ̆ng kbâo, sang măi mâo leh hdră hrui blei hnưm, bi kna mnuih mă bruă čiăng kơ phung pla mjing hrŏ ƀiă klei rŭng răng.