VOV4.Êđê- Klei mnơ̆ng ngă tŭl knăt hla hbei ƀlang hlăk lŏ lêč lar ti dŭm kdriêk nah Dhŭng čar Gialai. Krông Pa jing alŭ wăl mâo ênha hbei ƀlang prŏng hĭn čar Gialai hŏng êbeh 21 êbâo ha. Yan pla mjing thŭn anei mâo êbeh 4 êbâo ha đang hbei ƀlang tuôm hŏng klei mnơ̆ng ngă. Msĕ snăn mơh, ti kdriêk Phú Thiện yan anei pla truh 6 êbâo ha đang hbei ƀlang, snăn mâo leh êbeh 50 ha mnơ̆ng ngă, mkă hnơ̆ng luič liê mơ̆ng 5 – 30%. Klei mnơ̆ng ngă jêñ hŏng mjeh KM98; KM419; KM140.

Kbiă hriê klei mnơ̆ng ngă lu jing mnuih pla mjing amâo mâo răng ôh kơ mjeh pla, ruah amâo mâo djŏ, amâo mâo thâo klă phŭn agha, snăn mâo klei bi mtưp lu klei mnơ̆ng ngă. Snăn mơ̆ng klei anei, êpul bruă djŏ tuôm hlăm čar Gialai mtă leh kơ phung pla mjing bi mlih mnơ̆ng pla mjing, ba yua mjeh mrâo, mâo ai dưi kdơ̆ng hŏng klei mnơ̆ng ngă hĭn, ruah mjeh jăk, lehanăn doh./.

            Pô mblang: Y-Khem Niê