Klei bi lông anei tŭ mă hră mơar bi mklă nao bi lông truh kơ jih hruê 10/2/2025. Dưi mkŏ mjing hlăm hruê 10/3/2025, hưn mthâo boh tŭ lehanăn jao klei pah mni hlăm hruê 13/3/2025, djŏ hŏng wưng mkŏ mjing knăm mơak Kphê Ƀuôn Ama Thuôt tal 9.

Mnuih nao hlăm klei bi lông anei jing mnuih ƀuôn sang Việt Nam mơ̆ng 18 thŭn kơ dlông, dôk hdĭp lehanăn mă bruă ti Việt Nam. Phung bi lông srăng găn dŭm kdrêč bi lông, mâo: Mă asăr kphê ba đeh, bi mưng hŏng kdrăp masin đeh, hưn mthâo hdră kčah srăng đeh lehanăn bi hrô kơ mnâo mnâo srăng mâo mơ̆ng kphê leh đeh; hluê ngă hdră đeh… Trịnh Đức Minh – Khua Êpul hgŭm bruă Kphê Ƀuôn Ama Thuôt brei thâo, čar Dak Lak dôk gĭr mđĭ kyar Ƀuôn Ama Thuôt jing ƀuôn prŏng kphê mơ̆ng tar rŏng lăn mbĭt anăn mñă klă kơ ênhă, hnơ̆ng mâo lehanăn hnơ̆ng tŭ jăk, mnâo bâo mngưi mŏng kphê leh mkra brei mđing dlăng hĭn./.