Phung pla kphê Lâm Đồng pral gang mkhư̆ adiê không kƀah êa
Thứ sáu, 10:37, 24/02/2023
VOV Tây Nguyên
VOV Tây Nguyên
VOV4.Êđê- Wưng anei čar Lâm Đồng leh anăn Lăn Dap Kngư, klă sĭt mŭt hlăm yan không. Rơ̆ng kơ êa krih kphê jing bruă yuôm bhăn, mâo ƀĭng ngă lŏ hma, bruă lŏ hma dŭm alŭ wăl mđing dlăng, čiăng rơ̆ng kơ ana hdĭp mda đĭ kyar, mprăp êa krih kơ wưng adiê không amâo mâo êa kơ anăp.
Kphê jing sa hlăm dŭm ana pla mjing phŭn ti čar Lâm Đồng, hŏng ênhă êbeh 170 êbâo ha, lu ti dŭm kdriêk Lâm Hà, Di Linh, Đức Trọng leh anăn Bảo Lâm.
Hlue si Vũ Bá Yêu, K’iăng Khua adŭ bruă lŏ hma leh anăn mđĭ kyar krĭng ƀuôn sang kdriêk Lâm Hà, yan adiê ti alŭ wăl mphŭn mâo klei bi knăl thu krô, adiê mđiă hlơr, đăo knăl êlâo wưng thu krô sui dơ̆ng truh, anăn bruă gang mkhư̆ brei dưi mđĭ ktang, Kdriêk gĭt gai jăk dŭm phŭn êa krih, mgơ̆ng êa krih ti dŭm ênao êa ti alŭ wăl čiăng rơ̆ng êa krih kơ ana pla mjing./.
Viết bình luận