Ară anei, ti dŭm alŭ wăl hlăm krĭng Dap mnai krông Cửu Long, Ngŏ kwar Krah leh anăn Lăn Dap Kngư, durian ăt dôk mâo klei bi knăl pla mjing lu, boh nik pŏk mlar ênhă pla mjing ti dŭm krĭng mâo klei găl lăn ala amâo djŏ guôp. Hlue si knơ̆ng bruă pla mjing, bruă mđĭ ênhă pla mjing lu, kƀah klei ktuê dlăng, amâo hlue si hdră tă nơ̆ng anôk bruă kriê dlăng, anôk bruă thơ̆ng kơ bruă srăng mâo lu klei amâo jăk dleh đăo knăl, luč liê lu kơ hnơ̆ng boh mnga leh anăn hnơ̆ng jăk boh durian Việt Nam.

Čiăng mđĭ kyar boh durian kjăp, tŭ dưn, djŏ guôp hŏng hdră tă mđĭ kyar mbĭt mơ̆ng bruă, Knơ̆ng bruă pla mjing mtă kơ dŭm Knơ̆ng bruă lŏ hma leh anăn mđĭ kyar krĭng ƀuôn sang dŭm čar, ƀuôn prŏng nah Dhŭng hâo hưn, mtô mblang, kñăm grăp knhuang bi mlih klei mưng, klei thâo săng mkra mjing hlue si hdră, hlue si mnuih lu, bruă pla mjing ana durian brei hlue si hdră tă mơ̆ng dŭm anôk bruă kriê dlăng./.