Khua lăn čar Lương Cường kiă kriê bruă anei, knăm čuh brui mngưi kñăm bi êdah klei thâo hdơr knga kơ aê aduôn atâo atiêt phung pŏk leh alŭ wăl Thăng Long, mkŏ mjing dhar kreh Đại Việt, hlŏng djă pioh truh kơ ênuk khua gĭt gai Hồ Chí Minh.

Khua lăn čar mbĭt hŏng phung bi ala ƀuăn dưn yua jih klei tŭ dưn mơ̆ng aê ama pô êlâo, djă yua dŭm klei yuôm bhăn mơ̆ng djuê ana, bi êdah ai tiê jhŏng ktang mơ̆ng Thăng Long - Hà Nội lehanăn dŭm klei tŭ dưn yuôm bhăn mkăn mơ̆ng djuê ana, mđing duh myơr sa ai hlăm bruă rŭ mdơ̆ng lăn čar hlue kru jơ̆ng aê ama pô êlâo, ksul mbŭ klei thâo bi mguôp jih jang djuê ana, rŭ mdơ̆ng sa lăn čar mdrŏng ktang, hnŭk êngiê, mtăp mđơr kreh dhar, anăk nao kơ sa ênuk gưl mrâo, ênuk gưl đĭ kyar kjăp ktang, lehanăn mdrŏng sah, mnuih ƀuôn sang mâo klei hdĭp trei mđao, jăk mơak./.