Mkŏ mjing mơ̆ng ară anei hlŏng truh jih hrue 31/12, kleỉang mdah mâo dua mta kñăm mâo: Dŭm boh tŭ dưn bruă duh mkra ala ƀuôn čar Daklak êdei kơ 120 thŭn” lehanăn “Drai dua – knhuah gru ti hnoh krông Ea Hleo”. Hlăm anăn, lač kơ klei duh mkra ala ƀuôn, mâo rang mdah truh 200 pŏk rup lehanăn hră mơar lač kơ klei mkŏ mjing lehanăn đĭ kyar čar Daklak găn hlăm dŭm gưl ênuk, êwang êlan 80 thŭn mkŏ mjing êpul lĭng kahan yang ƀuôn čar Đắk Lắk.

Anei jing jih jang klei bi knăl klă mngač mơ̆ng dŭm mta rup, lehanăn klei čih hlăm bruă rŭ mdơ̆ng čar Daklak, mơ̆ng sa krĭng lăn dôk hrông hrĕ, dleh dlan knap mñai, ară anei kpưn đĭ leh hŏng klei ktang, jing sa boh čar mâo klei đĭ kyar prŏng hlăm lăn dap kngư, lehanăn hlăm kluôm ala. Mta mñăm kơ klei rang mdah lač kơ giê ktir ti Drai dua jing mnơ̆ng yuôm bhăn kơ lăn čar mâo leh čar daklak tŭ yap, lŏ bi mklă klei tŭ dưn kơ hƀuê ênuk, dhar kreh mđĭ kyar čar Daklak./.