Nao hlăm klei bi lông anei mâo 11 êpul bi lông hŏng 60 čô bi lông. Dŭm êpul bi lông hriê mơ̆ng 9 să, ƀuôn hgŭm ti ƀuôn prŏng Kon Tum leh anăn 2 kdriêk Sa Thầy, Ia H’Drai. Dŭm êpul bi lông srăng bi lông hŏng 2 boh taih 200m leh anăn 1.500m.

Klei bi lông anei jing wưng brei kơ phung bi lông bi tuôm, mjĕ êrô, kriê pioh leh anăn mđĭ kyar klei mjuăt ktang asei mlei djuê ana, mkŏ mjing ai êwa gĭr ktưn akŏ thŭn mrâo leh anăn bi hdơr 110 thŭn hruê mkŏ mjing čar Kon Tum.

Leh dŭm gưl bi lông, boh tŭ, hlâo phung bi lông să kroong, ƀuôn prŏng Kon Tum mâo mă klei pah mni kdlưn hĭn hlăm klei bi lông 200m, hlâo phung bi lông să Sa Bình, kdriêk Sa Thây mâo mă klei pah mni mrô 1 hlăm klei bi lông 1.500m. Êpul mkŏ mjing mđap brei klei pah mni êpul bi lông mâo lu mran bi lông hĭn kơ êpul bi lông să Sa Bình leh anăn êpul bi lông să Kroong mâo mă klei pah mni mrô 1 kluôm êpul./.