Ti čar Dak Nông ară anei mâo êbeh 6.000 gŏ sang hdĭp hlăm sang dôk êjai, sang tĭ ƀrôč. Hlăm anăn mâo hlăm brô 1.700 gŏ sang mâo djăp klei găl dưi mâo klei đru sang dôk mơ̆ng dŭm hdră ala čar kñăm, hdră êlan mơ̆ng knŭk kna. Hluê ngă hdră mtrŭt mjhar lăm lui sang dôk êjai, sang tĭ ƀrôč mơ̆ng Khua knŭk kna, čar Dak Nông mâo 540 gŏ sang mâo klei đru, hŏng ênoh prăk êbeh 40 êklai prăk.

Bruă Đảng čar, bruă sang čư̆ êa čar Dak Nông mjêč ngă bruă ksiêm dlăng, čih hră anăn leh anăn bi klă dŭm boh sang mâo klei đru, mbĭt anăn jao kơ dŭm knơ̆ng, dhar bruă, alŭ wăl ngă ênŭm hră mơar čuăng rŭ mdơ̆ng mrâo 113 boh sang, mâo 21% ênoh dưi bi klă. Čar Dak Nông gĭr, truh kơ mlan 9/2025 bi leh 540 boh sang, jing grăp hruê čar srăng lăm lui hlăm brô 2 boh sang dôk êjai, sang tĭ ƀrôč.