
Hluê ngă hdră “Amĭ pô rông” mơ̆ng Êpul bruă phung mniê gưl dlông mtrŭt mjhar, truh kơ ară anei ti čar Dak Lak mâo leh 870 čô hđeh êrĭt amĭ ama dưi rông ba leh anăn êbeh 2.000 čô hđeh dưi mâo klei đru kơ klei hdĭp, klei mđĭ ai hŏng lu hdră, hŏng ênoh prăk giăm 10 êklai.
Hlăm hdră phung hđeh dưi mjĕ mjuk hŏng phung amĭ pô rông, kah mbha klei mĭn leh anăn bi êdah ai tiê hŏng phung dôk kriê dlăng, đru kơ pô. Wưng anei, Êpul mkŏ mjing mđup brei 66 hnư mnơ̆ng kơ phung hđeh sang hră hriăm thâo, bi mguôp hŏng dŭm êpul bruă, grăp čô, phung mâo ai tiê kmah đru rông 9 čô hđeh mâo klei hdĭp dleh dlan, lŏ dơ̆ng bi lar klei khăp, đru kơ mnơ̆ng yua leh anăn mđĭ ai, mkŏ mjing boh kdrŭt đru kơ phung hđeh găn jih klei dlan, gĭr ktưn hlăm klei hriăm hră mơar leh anăn hlăm klei hdĭp.
Viết bình luận